GOÝÇÝSM topary (Futbol boýunça geljekki olimpiýaçylaryň ýöriteleşdirilen çagalar-ýetginjekler sport mekdebi) topary 2008-2009-njy ýyllarda doglan ýetginjekleriň arasynda futbol boýunça geçirilen Türkmenistanyň birinjiliginiň ýeňijisi boldy. «Aşgabat» köpugurly stadionda geçirilen ýaryşy Türkmenistanyň Bedenterbiýe we sport baradaky döwlet komiteti bilen Türkmenistanyň Futbol federasiýasy bilelikde gurady.
Paýtagtymyza wekilçilik eden topar aýgytlaýjy duşuşykda «Altyn täç» toparyndan 2:1 hasabynda üstün çykdy.