«7/24. tm» №22 (209), 27.05.2024
Sport — dostlugyň we parahatçylygyň, ynsanperwerligiň belent ýörelgelerini dabaralandyrýar, jemgyýetimiziň agzybirligini, jebisligini alamatlandyrýar. Bu bolsa sport arkaly halkara hyzmatdaşlygyny pugtalandyrmak baradaky ýörelgeleriň üstünlikli durmuşa geçirilýändigini aýdyň nyşanydyr. 2024-nji ýylyň 24-ni maýynda paýtagtymyzda geçirilen GDA-nyň Hökümet Baştutanlarynyň Geňeşiniň mejlisiniň jemleri boýunça Aşgabat şäherini «Arkalaşygyň täze sport mümkinçilikleriniň şäheri» diýip yglan etmek hakyndaky Çözgüde gol çekilmegi bolsa türkmen paýtagtynyň sporty wagyz etmekde nusgalyk şähere öwrülendigini görkezdi.