Altyndan hazynamyz, tylladan täjimiz bolan bugdaý alty aýda bir garyş, soňky bir aýda bolsa, alty garyş boý alýar. Biziň ene-mamalarymyz çaga hüwdülänlerinde «Ballym janyň harmany, bugdaýy il dermany», «Bugdaýyň ak unundan çelpek gelsin gyzyma» diýip, ýürek arzuwlaryny beýan edipdirler. «Garny ýaryk, gyzyl süýri, ysgynsyzyň bire-biri» diýen matalyň jogaby hem bugdaý bolmaly. Ata-babalarymyz hoş sözi uly iliň soltany saýylýan bugdaýa meňzedipdirler. Türkmen edebiýatynda adamyň ýagşy gylyk-häsiýetlisi bugdaýyň keşbinde suratlandyrylýar.
Nusgawy şahyrymyz Mahmyt Gaýyby «Otuz iki tohum kyssasy» atly eserinde tohumlaryň arasyndaky jedelde: