Öňki döwürde durmuş hajatlary üçin ulanylýan çöpür ýüp işmekde özüni görkezen ussat adamlar her ýerde-her ýerde bolupdyr. Çöpürden ýüp işilende, çöpür süýmegine eliň iki aýasyny biri-birine süýkäp tow berilýär. Tow näçe gaty bolsa, çöpür ýüp hem şonça tutnukly bolýar. Bu barada täsin bir rowaýat hem aýdylýar.
Özüne göwni ýetýän üç sany ýigit bir öýde çöpürden ýüp işip oturan eken. Olaryň biri işip oturan çöpür ýüpi bilen öýüň dulunda ýatan pişigi dürtüp goýberipdir-de: «Tur, ýok bol!» diýipdir. Ikinji ýigidem ussatlygyny görkezmekde ondan pes galmandyr:
