Hormatly Prezidentimiziň satyn alyp bermeginde 400 sany «Hyundai ALL New Super Aero City» kysymly döwrebap awtobuslaryň Aşgabat şäheriniň 140 ýyllyk baýramçylygy mynasybetli 25-nji maýdan ulanyşa goýberiljekdigini we şol gün paýtagtymyzyň ýaşaýjylaryna hem-de myhmanlaryna şäheriçi awtobus ugurlary boýunça tölegsiz hyzmat ediljekdigini bellemek örän buýsançly.
Milli Liderimiziň ýiti zehininden dörän «Ak şäherim Aşgabat» atly kitabynda döwrümiziň nyşanyna öwrülen Aşgabadyň häzirki zaman gözel keşbi giňişleýin beýan edilýär. Paýtagt şäherimiz Aşgabadyň esaslandyrylmagynyň 140 ýyllygynyň dabaraly bellenilýän günleriniň öň ýanynda Gahryman Arkadagymyzyň bu kitabynyň halkymyza peşgeş berilmegi özboluşly baýramçylyk sowgady boldy. Bu kitap döwlet Baştutanymyzyň öz eziz ýurduna, türkmen paýtagtyna, mähriban halkyna bolan söýgüsiniň özboluşly beýany bolup, kalplara ornaşýar.
