UÇAR MENZILI
Göýä laçyn ak şähere, ýaýyp goşa ganatyny,
Bagra basýar Aşgabadyň düre meňzeş halatyny,
Al-asmandan düşen melek, säpjetmäge ak atyny,
Bu bagtyýar illermize salyp mahmal saýasyny,
Alyp dünýä ýaýjak ýaly, erkinligiň miwesini,
Beýik-beýik binalaryň synlap pälwan göwresini,
Gül-gülälek, bagy-bossan tutup ýatyr degresini,
Dostlar görüň diýýän ýaly, halallygyň döwresini.
Bagta sary ak ýollary açanlaryň menzili sen,
Ak gülleri Ýer ýüzüne seçenleriň menzili sen.
