«Apple» kompaniýasy Hindistanda öndürilen «iPhone Pro» we «Pro Max» modellerini dünýä bazaryna hödürlemegi meýilleşdirýär. Mundan ozal Hindistanda öndürilýän «Apple» enjamlary diňe şu ýurtda satylýardy. Amerikan kompaniýasynyň enjamlaryny Taýwanyň «Foxconn Technology Group» kompaniýasy öndürýär. «Foxconn» täze enjamlaryň geljek aý tanyşdyrylmagyndan birnäçe hepdeden soňra Hindistanda dünýä bazaryna niýetlenen enjamlaryň önümçiligine girişer.
«iPhone 16 Pro» we «Pro Max» smartfonlary Hindistanyň Tamil Nadu ştatyndaky önümçilik desgasynda öndüriler. Mundan ozal «Apple»-iň diňe käbir enjamlary bu ýurtda öndürilýärdi. Hindistanda halkara kompaniýalara berilýän maliýe goldaw ähli enjamlaryň bu ýurtdaky zawodynda öndürilmegine mümkinçilik berdi.