Şu günler ýurdumyzyň bugdaýly meýdanlarynda galla oragy gyzgalaňly dowam edýär. Belent sepgitlere ýetmekde gallaçy daýhanlarymyza üstünlikleri arzuwlap, ýangyn howpsuzlygy babatda şulary ýatlatmagy müwessa bildik.

Galla oragyna gatnaşýan oba hojalyk tehnikalary ilkinji zerur bolan ýangyn söndüriji serişdeleri bilen üpjün edilmelidir. Tehnikalaryň tüsseçykaryjylary uçgun söndüriji enjamlar bilen enjamlaşdyrylmalydyr. Uçgun söndüriji serişdelerini öz wagtynda gurumlardan arassalap durmaly. Galla oragyna gatnaşýan oba hojalyk tehnikalaryň duralga ýerini, tehniki hyzmat etmek, ýangyç guýmak ýa-da kebşirleýiş enjamlaryndan peýdalanmak işini hasylly meýdandan 100 metr aradaşlykda, takyrlykda ýerleşdirip, şol ýerleriň daş-töweregi sürülmelidir.