ZEHINLI ÝAŞLAR — WATANYMYZYŇ GELJEGI

Üstümizdäki — “Pähim-paýhas ummany Magtymguly Pyragy” ýylynda şahyryň doglan gününiň 300 ýyllyk toýunyň giňden dabaralanýan günlerinde ýaş nesillerimiziň ukyp-başarnygyny artdyrmak maksady bilen surat çekmek boýunça bäsleşik guraldy. Çagalarda watançylyk duýgusyny terbiýelemek, olary döredijilik işine höweslendirmek, olaryň surat çekmäge bolan ukybyny artdyrmak, dünýägaraýşyny giňeltmek maksady bilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy tarapyndan ilkinji gezek yglan edilen “Biz — Arkadag Serdarly Watanyň bagtyýar nesilleri” atly bäsleşik şatlyk-şowhuna beslendi. Oňa ýurdumyzyň welaýatlaryndan, Aşgabat we Arkadag şäherlerinden çagalar gatnaşdylar.