Golaýda türkmen halkynyň Milli Lideri Gahryman Arkadagymyzyň maşgalasy, hormatly Prezidentimiziň käbesi Ogulgerek Berdimuhamedowanyň Hytaý Halk Respublikasynyň wekiliýeti bilen bolup geçen ýokary derejedäki duşuşygynyň, «Türkmen-hytaý zenanlarynyň dünýäsi» atly maslahatyň möhüm ähmiýetini wagyz etmek maksady bilen, welaýat häkimliginiň mejlisler zalynda dabaraly maslahat geçirildi. Maslahata Türkmenistanyň Zenanlar birleşiginiň welaýat bölüminiň, şäherdir etrap guramalarynyň başlyklary, Mejlisiň zenan deputatlary, edara-kärhanalaryň, jemgyýetçilik guramalarynyň zenan ýolbaşçylary, işjeň agzalary, işewür zenanlar we mährem eneler gatnaşdylar.