Ýakynda Türkmenistanyň Konstitusiýasynyň we Döwlet baýdagynyň güni mynasybetli Agrosenagat işgärleriniň kärdeşler arkalaşygynyň ilkinji guramalarynyň Türkmenabat şäher geňeşiniň we welaýat kitaphanasynyň bilelikde guramagynda «Golumyzda Baş Kanun, depämizde ýaşyl tug, röwşen geljege dowam, ýolumyza saçýar nur» atly maslahat geçirildi. Oňa S.A.Nyýazow adyndaky Türkmen oba hojalyk uniwersitetiniň Türkmenabat agrosenagat orta hünär okuw mekdebiniň mugallymlary we talyplary gatnaşdy.
Maslahatda çykyş edenler Türkmenistanyň Konstitusiýasynyň we Döwlet baýdagynyň güni mynasybetli geçirilýän duşuşyklaryň, maslahatlaryň ähmiýeti barada giňişleýin gürrüň berdiler. Maslahatyň dowamynda Türkmenistanyň Konstitusiýasyna hem-de kanunçylygyna degişli kitaplaryň sergisi guraldy.