«Pähim-paýhas ummany Magtymguly Pyragy» ýylynyň ajaýyp bahar günlerinde baýram edilen 1941 — 1945-nji ýyllaryň Beýik Watançylyk urşunda gazanylan Ýeňiş güni mynasybetli, TGM-niň Beýik Saparmyrat Türkmenbaşy adyndaky Harby institutynda terbiýeçilik agşamlary, dabaralar ýaýbaňlandyryldy. Ýokary harby okuw mekdebimizde şanly senä bagyşlanyp geçirilen terbiýeçilik agşamlarynda Watan goragynyň mukaddesligini giňden wagyz edýän çykyşlar, harby talyp ýaşlaryň Ýeňiş gününi wasp edýän goşgudyr oýlanmalary ýerine ýetirmekleri çäreleriň ähmiýetini has hem artdyrdy. Terbiýeçilik ähmiýetli çärelere gatnaşanlar halkymyzy asudalykda, bagtyýarlykda ýaşadýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan işleriniň hemişe üstünliklere beslenmegini arzuw etdiler.

Mährijemal HALMYRADOWA,
TGM-niň Beýik Saparmyrat Türkmenbaşy adyndaky Harby institutynyň mugallymy.