1941—1945-nji ýyllaryň Beýik Watançylyk urşunda gazanylan Ýeňşiň 79 ýyllygy mynasybetli dabaralar welaýatymyzyň ähli ýerinde giň gerime eýe bolýar. Baýramçylyk dabaralaryna bagtyýar ildeşlerimiz uly ruhubelentlikde gatnaşýarlar.

ÄNEW. Şäherdäki Medeniýet öýünde welaýat häkimligi, jemgyýetçilik guramalary hem-de Medeniýet müdirligi tarapyndan guralan dabara şatlyk-şowhuna beslendi. Edara-kärhanalaryň işgärleriniň, jemgyýetçilik guramalarynyň wekilleriniň, dili senaly ýaşulularyň, mährem eneleriň hem-de ýaşlaryň gatnaşmagynda bolan dabarada şanly sene mynasybetli gutlaglar aýdyldy.