Her ýylyň maý aýy güllere aýratyn baý bolýar. Baharyň şu ajaýyp gülleri ene topragyň ähli gözelligini eçilýän döwri ýaly bolup, kalbyňa dolýar. Ine, şu ajaýyp, dürli reňkli gülleriň pajarlap açylýan günlerinde halkymyz Ýeňiş gününi baýram edýär. Şol gül ýüzli ýigitleriň, duşmandan üstün çykan merdanlaryň Beýik Ýeňşi getireninden bäri hem bir är ömri wagt geçipdir. Hut şu günlerde Zeminiň baky güle beslenmegi üçin jan aýaman söweşen gerçeklere, uruş weteranlaryna hormatly Prezidentimiziň adyndan gymmat bahaly sowgatlar gowşurylýar.