Görogly etrabyndaky daşary ýurt dillerine ýöriteleşdirilen 65-nji orta mekdepde etrabyň orta mekdepleriniň 6—11-nji synp okuwçylarynyň arasynda «Zehinimiz Watana» atly ýaş oýlap tapyjylaryň sergisi guraldy. «Ýaş oýlap tapyjylyk» işi bilen meşgullanýan tebigy zehinli, aýratyn ukyp-başarnykly, döredijilikli mekdep okuwçylaryny tapawutlandyrmak we höweslendirmek maksady bilen geçirilen sergä etrabymyzdan 40-a golaý okuwçy gatnaşdy.

Etrap bilim bölümi bilen TMÝG-niň etrap geňeşiniň bilelikde guramagynda geçirilen çärede mekdep okuwçylary mugallymlarynyň ýolbaşçylygynda oýlap tapan dürli görnüşli enjamlaryny, kompýuter programmalaryny, täze önümçilikleriň maketlerini görkezdiler.