Bäherden etrabynyň sport mekdebinde 1941—1945-nji ýyllaryň urşunda gazanylan Ýeňşiň 79 ýyllygy mynasybetli duşuşyk geçirildi. Oňa mekdebiň türgenleri gatnaşdy.

Duşuşykda halypa tälimçi-mugallymlaryň täsirli gürrüňlerini diňlemek diýseň ýakymly boldy. Olar 1941—1945-nji ýyllaryň urşunyň gazaply söweşinde ildeşlerimiziň görkezen edermenlikleri, tylda çeken tutanýerli zähmetleri, şeýle-de ýurdumyzyň bu günki ýeten beýik derejesi, asuda, parahat durmuşymyz hakda söhbet etdiler.