«7/24. tm» №19 (206), 06.05.2024
Özüniň döredijilik zähmeti bilen türkmen radiosynyň taryhynda yz galdyran Oguljahan Mämikowa 1929-njy ýylyň 26-njy fewralynda Bäherden etrabynyň ozalky Kelete obasynda dünýä inýär. Ýokary bilimi 1946 — 1950-nji ýyllar aralygynda Daşkendiň Hukuk institutynyň Aşgabatdaky bölüminde alýar we 1950-nji ýylda Türkmen radiosynda alypbaryjy bolup işe başlaýar. Ol özüniň yhlasly zähmetiniň netijesinde hünäriniň ýokary derejeli eýesi bolup ýetişýär hem-de türkmen radiosynyň ilkinji halypa diktorlarynyň biri hökmünde tanalýar. Ýigriminji asyryň ellinji ýyllarynda ussat diktor Oguljahan Mämikowa türkmen radiosynda 3 sany halypa diktorlar bilen bilelikde zähmet çekdi. Olar Geldi Döwletow, Baýram Geldimyradow, Walentina Antipowa dagylardyr.