Ajap zamanany gurýar watanym, ýaşlar bilen öňe barýar watanym!

Arkadagly Gahryman Serdarymyzyň 2024-nji — “Pähim-paýhas ummany Magtymguly Pyragy” ýylynyň bosagasynda “Ýaşlar — Watanyň daýanjy” atly ilkinji kitabyny sowgat etmegi Arkadag Serdarly bagtyýar ýaşlar ýylynyň ýakymyny has-da artdyrmak bilen, kalbymyzy buýsançly duýgulara besledi. Hormatly Prezidentimiz bu kitabyň üsti bilen türkmen ýaşlaryna, halka, adamzada hyzmat etmegiň belent nusgasyny görkezýär. Täze kitapda ýurdumyzyň ýaşlarynyň häzirki döwürde ýeten belent sepgitleri, gazanan ajaýyp üstünlikleri öz beýanyny tapýar.