Türkmenmetbugat

"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Türkmenistanda geçirilen ekologiýa boýunça giň gerimli okuw sapagyny Ginnesiň rekordlar kitabyna girizmek teklip edilýär

Ahal welaýaty, 28-nji oktýabr (TDH). Şu gün gurluşygy güýçli depginde alnyp barylýan Ahal welaýatynyň täze, döwrebap edara ediş merkeziniň golaýynda “Organiki bakjalyk we onuň ekologiýa goşýan goşandy” atly okuw sapagy geçirildi. Ol açyk asmanyň astynda geçirilen şeýle çäreleriň iň giň gerimlisi boldy. Oba hojalyk pudagynyň 500-den gowrak hünärmenini bir ýere jemlän foruma ýurdumyza gelen Bütindünýä rekordlary guramak boýunça geňeşçi Aýdyn Türkgüjü hem gatnaşdy. Ozal habar berlişi ýaly, bu okuw sapagyna taýýarlyk meselesi Türkmenistanyň Milli Geňeşiniň Halk Maslahatynyň Başlygy, Hormatly il ýaşulusy Gurbanguly Berdimuhamedowyň sebitiň täze edara ediş merkeziniň gurluşygynyň barşy bilen tanyşmak üçin Ahal welaýatyna düýn amala aşyran iş saparynyň barşynda içgin ara alnyp maslahatlaşyldy. Bu ýerde Gahryman Arkadagymyz Bütindünýä rekordlary guramak boýunça geňeşçi bilen söhbetdeş boldy. Ol hormatly Arkadagymyza bu çäräniň guramaçylyk meseleleri hem-de wezipeleri barada habar berdi. Bellenilişi ýaly, okuw sapagynyň geçiriljek ýeriniň täze gurulýan edara ediş merkeziniň golaýynda saýlanyp alynmagy tötänden däldir we onuň mazmuny bilen kesgitlenendir. Türkmen topragynyň ekerançylygyň işjeň ösýän bu ajaýyp künjeginiň tebigatynyň özboluşlylygy sebitiň ekologik abadançylygynyň ýokary derejesine şaýatlyk edýär.

29 Oktýabr 2022

Türkmenistanda geçirilen ekologiýa boýunça giň gerimli okuw sapagyny Ginnesiň rekordlar kitabyna girizmek teklip edilýär

Ahal welaýaty, 28-nji oktýabr (TDH). Şu gün gurluşygy güýçli depginde alnyp barylýan Ahal welaýatynyň täze, döwrebap edara ediş merkeziniň golaýynda “Organiki bakjalyk we onuň ekologiýa goşýan goşandy” atly okuw sapagy geçirildi. Ol açyk asmanyň astynda geçirilen şeýle çäreleriň iň giň gerimlisi boldy. Oba hojalyk pudagynyň 500-den gowrak hünärmenini bir ýere jemlän foruma ýurdumyza gelen Bütindünýä rekordlary guramak boýunça geňeşçi Aýdyn Türkgüjü hem gatnaşdy. Ozal habar berlişi ýaly, bu okuw sapagyna taýýarlyk meselesi Türkmenistanyň Milli Geňeşiniň Halk Maslahatynyň Başlygy, Hormatly il ýaşulusy Gurbanguly Berdimuhamedowyň sebitiň täze edara ediş merkeziniň gurluşygynyň barşy bilen tanyşmak üçin Ahal welaýatyna düýn amala aşyran iş saparynyň barşynda içgin ara alnyp maslahatlaşyldy. Bu ýerde Gahryman Arkadagymyz Bütindünýä rekordlary guramak boýunça geňeşçi bilen söhbetdeş boldy. Ol hormatly Arkadagymyza bu çäräniň guramaçylyk meseleleri hem-de wezipeleri barada habar berdi. Bellenilişi ýaly, okuw sapagynyň geçiriljek ýeriniň täze gurulýan edara ediş merkeziniň golaýynda saýlanyp alynmagy tötänden däldir we onuň mazmuny bilen kesgitlenendir. Türkmen topragynyň ekerançylygyň işjeň ösýän bu ajaýyp künjeginiň tebigatynyň özboluşlylygy sebitiň ekologik abadançylygynyň ýokary derejesine şaýatlyk edýär.

29 Oktýabr 2022

Ekologiýanyň goraglylygy — ynsan saglygy

Garaşsyz Türkmenistan ekologiýa diplomatiýasyny özüniň daşary syýasatynyň ileri tutulýan ugurlarynyň biri hökmünde öňe sürmek bilen, tebigaty goramakda halkara gatnaşyklary pugtalandyrmaga saldamly goşant goşýar. Milli Liderimiz tarapyndan anyk kesgitlenilen we üstünlikli çözülýän wezipeler Birleşen Milletler Guramasyna agza döwletleriň kabul eden, 2030-njy ýyla çenli döwür üçin ählumumy Gün tertibinde beýan edilen Durnukly ösüşiň maksatlary bilen berk baglydyr. Eziz Diýarymyzda daşky gurşawy goramak, tebigata aýawly garamak, onuň gözelligini we baýlygyny geljek nesillere ýetirmek hormatly Prezidentimiziň durmuşa geçirýän döwlet syýasatynyň ileri tutulýan ugurlarynyň biridir. Ekologiýa medeniýetiniň ösmegi bilen adamlarda «ýaşyl» gurluşyklara bolan gyzyklanma artýar we bu ugurdaky milli, halkara derejelerdäki taslamalar uly goldaw tapýar. «Ýaşyl» taslamalar işlenilip taýýarlanylanda, adamyň saglygyna peýdalylygy, düýbünden howpsuzlygy we daşky gurşawa zyýanly täsirleriň pes derejede bolmagy, hatda bolmazlygy bilen bir hatarda geljek nesilleriň gyzyklanmalary, başga-da birnäçe taslamalar bilen utgaşyklylygy göz öňünde tutulýar.

26 Oktýabr 2022

Arassa ekologiýa — gözel durmuş

Türkmenistan häzirki zamanyň möhüm ekologiýa meselelerini çözmekde, halkara hyzmatdaşlygy ösdürmekde, şonuň bilen birlikde-de, içerki mümkinçiliklerden peýdalanmagyň netijeliligini ýokarlandyrmakda ähmiýeti uly bolan taslamalara, maksatnamalara aýratyn üns berýär. Bu babatda ýurdumyzyň BMG-niň Baş Assambleýasynyň 70-nji mejlisinde kabul edilen 2030-njy ýyla çenli Durnukly ösüş maksatnamalaryny işläp taýýarlamaga işjeň gatnaşandygyny bellemek ähmiýetlidir. Olarda howanyň üýtgemegi, ozon gatlagyna zeper ýetirilmegi, çölleşmek howpy, agyz suwunyň ýetmezçiligi, ösümlikleriň, haýwanlaryň biodürlüliginiň kemelmegi we beýleki ýagdaýlaryň öňüni almak boýunça wezipeler göz öňünde tutulýar.  «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda», «Altyn asyr» Türkmeniň kölüniň sebitini 2019 — 2025-nji ýyllarda ösdürmegiň Konsepsiýasynda» hem ekologiýa abadançylygyny üpjün etmekde möhüm wezipeler bellenilýär. Olarda Garaşsyz ýurdumyzda bu ugurda alnyp barylýan işleriň ähmiýeti, şonda «Altyn asyr» Türkmen kölüniň tutýan orny hakynda hem-de bu kölüň gurulmagynyň netijesinde Amyderýanyň suwunyň hiliniň, çölüň ekologiýasynyň, suwarymly ýerleriň melioratiw ýagdaýynyň gowulanmagyna mümkinçiligiň dörändigi bellenilýär.

26 Oktýabr 2022

Zeminiň bezegi

Zeminiň bezegi bolan agaçlaryň adamzat durmuşynda-da, tebigatyň täsinliliginde-de ähmiýeti diýseň uludyr. Çünki agaçlar ýaşaýşymyz üçin zerur bolan kislorody bölüp çykarýar, howany tozandan tämizleýär. Ýurdumyzda her ýyl millionlarça düýp agaç ekilip, her bir şäheriň, dag eteklerindäki, akabalaryň we derýalaryň, deňziň kenarlaryndaky tokaýlaryň çäkleri giňelýär. Netijede, türkmeniň sahawata we berekede baý giň sähralary ýaýylyp ýatan bagy-bossanlyga we gülzarlyga öwrülýär. Güneşli ülkämiziň barha giňeýän tokaý zolaklary, ýylyň ähli paslynda gök öwüsýän seýilgähleri amatly howa ýagdaýyny üpjün edýär hem-de tomus paslynyň yssysyny gowşadýar, gyş paslynda bolsa çapgyn ýellerden goraýar. Şeýle hem tokaý zolaklary bioköpdürlülige, täze ýerlere göçýän guşlaryň, haýwanlaryň görnüşleriniň artmagyna oňyn täsirini ýetirýär. Ýaşyl zolaklar «şäheriň öýkeni» hasaplanyp, dürli görnüşli ösümlikler şäherlerimize bezeg bolmak bilen bir hatarda, daşky gurşawyň sagdynlaşmagynda esasy wezipäni ýerine ýetirýär. Agaçlar howany hapalaýjy maddalardyr tozan bölejiklerinden arassalaýan süzgüç mysalydyr. Olar kömürturşy gazyny, azot oksidleri kükürt oksidleri özüne siňdirip, howany tozandan, gurumdan, tüsseden saplaýarlar. Geçirilen barlaglaryň netijesinde bir düýp agajyň ýylyň dowamynda 120 kilogram kislorod bölüp çykarýandygy anyklandy. Ýaşyl zolaklaryň awtoulaglaryň, otlularyň, uçarlaryň sesini, gurl

25 Oktýabr 2022

Ekologiýa abadançylygyny üpjün edip

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň parasatly baştutanlygynda halkymyzyň bagtyýar durmuşyna gönükdirilen beýik işler üstünlikli amala aşyrylýar. «Halkyň Arkadagly zamanasy» ýylynda halkymyz Arkadagly Serdarymyzyň daşyna berk jebisleşip, mukaddes Garaşsyzlygymyzyň 31 ýyllyk toýuny toýlady. Mälim bolşy ýaly, şanly Garaşsyzlygymyzyň 31 ýyllyk baýramyna gabatlanyp, ýurdumyz boýunça ýaşaýyş we durmuş maksatly köpsanly binalar açylyp halkyň hyzmatyna berildi. Türkmenistanyň at gazanan arhitektory Gahryman Arkadagymyzyň başyny başlan şähergurluşyk-binagärlik maksatnamasyny dowamata dowam edýän hormatly Prezidentimiz gurluşyklaryň alnyp barlyşyny mydama üns merkezinde saklaýar. Türkmen halky köşkdür binalary galdyrmakda, ýoldur köpri gurmakda dünýäde meşhurlyk gazanan halkdyr. Ata-babalarymyzdan miras galan binagärlik sungaty bilen özara sazlaşýan häzirki zaman binalaryň gurulmagy, ýurdumyzyň yzygiderli senagatlaşmagy göwünleri galkyndyrýar. Paýtagtymyz Aşgabat dünýäde iri işewürlik, dolandyryş we jemgyýetçilik syýasy merkezine öwrülýär. Aşgabadyň häzirki zaman keşbi, ylmyň döwrebap gazananlaryna, şähergurluşyk tejribesiniň öňdebaryjy nusgalaryna, ýaşaýyş-durmuş üpjünçiliginiň kämil innowasion çemeleşmelerine daýanýar. Türkmenistanyň Milletler Bileleşigine agzalyga kabul edilmeginiň 30 ýyllygynyň hem-de mukaddes Garaşsyzly

19 Oktýabr 2022

Ekologiýa howpsuzlygy — abadan durmuşyň kepili

Ata Watanymyzda daşky gurşawy goramak, sagdyn ekologiýa şertlerini üpjün etmek babatda uly işler durmuşa geçirilýär. Hormatly Prezidentimiziň pähim-paýhasy bilen sebitde we dünýäde ekologiýa howpsuzlygyny üpjün etmek hem-de tebigat gözelliklerini goramak boýunça edilýän tagallalar geljekki nesiller baradaky aladadan ugur alýar. Ýurdumyzda dürli mazmunly taslamalar durmuşa geçirilende, ekologiýa talaplarynyň berk berjaý edilmegi döwletimiziň bu ugurdaky işlere goşýan goşandynyň güwäsidir. Daşky gurşawy goramak, suw serişdelerinden netijeli peýdalanmak, ekologiýa abadançylygyny üpjün etmek, ýurdumyzyň ösümlik we haýwanat dünýäsini baýlaşdyrmak döwlet syýasatynda ileri tutulýan ugurlardyr. Döwletimiz Birleşen Milletler Guramasynyň Ösüş maksatnamasy, Daşky gurşaw boýunça maksatnamasy, Azyk we oba hojalyk guramasy, Ählumumy ekologiýa gaznasy, Araly halas etmegiň halkara gaznasy, Merkezi Aziýanyň Sebitleýin ekologiýa merkezi, Germaniýanyň halkara hyzmatdaşlyk boýunça jemgyýeti ýaly halkara we sebit guramalary bilen hyzmatdaşlygy alyp barmak bilen, ekologiýa howpsuzlygyny üpjün etmek boýunça dünýä derejesinde tagallalaryny gaýgyrmaýar. Bu ugurda halkara möçberde umumadamzat ösüşiniň bähbitlerini nazarlaýan teklipler, başlangyçlar bilen çykyş edýär. Ýurdumyzda tokaý zolaklarynyň emele gelmegi, Hazar deňziniň ekologiýa taýdan aras-salygynyň üpjün edilmegi, Garagumuň jümmüşinde «Altyn as

19 Oktýabr 2022

Sagdyn sazlaşyk

Ýurdumyzyň tebigy baýlyklaryny gorap saklamak, aýawly we rejeli peýdalanmak, «ýaşyl» tehnologiýalary ornaşdyrmak arkaly ekologiýa howpsuzlygyny üpjün etmek ýurdumyzyň döwlet syýasatynyň esasy ugurlarynyň biri bolup durýar. Ýurdumyzda adam saglygy hakynda edilýän aladalar köpugurlylygy bilen tapawutlanýar. Hormatly Prezidentimiziň sagdynlyk baradaky asylly ýörelgeleri halkyň ruhy taýdan kämil, fiziki taýdan sagdyn bolmagyna oňyn täsirini ýetirýär. Ýurdumyzyň ekoulgamyny, ajaýyp bagy-bossanlyklaryny, tokaýlaryny gorap saklamak, olary ylmy taýdan ösdürmek boýunça döwletimiz tarapyndan möhüm işler amala aşyrylýar. Mälim bolşy ýaly, her ýyl ýurdumyzda saýaly we miweli bag nahallaryny oturtmak däbe öwrüldi. Hormatly Prezidentimiz ýurdumyzyň ilatyny ekologik taýdan arassa, ýokary hilli azyk önümleri, bilen yzygiderli üpjün etmek baradaky tabşyryklary esasynda miweli baglaryň ýurdumyzyň azyk bolçulygyny üpjün etmegiň esasy çeşmeleriniň bir bolup durýar.

18 Oktýabr 2022

Sapaly durmuşyň seresi

Şäherlerdäki ýaşyl zolaklar diňe bir owadanlyk üçin döredilmeýär. Seýilgählerdir ýaşyl zolaklar şäherde ekologiýa taýdan arassa gurşawy hem-de sagdyn ýaşaýşy üpjün etmek üçin zerurdyr. Şol sebäpden-de, şäher ýaşaýjylaryna diňe bir bag nahallaryny oturtmak we olara ideg etmek arkaly ýaşyl zolaklary döretmek ýaly asylly işlere goşant goşmak ýeterlik bolman, eýsem, boş wagtlaryny seýilgählerde, agaçlaryň saýasynda geçirmek hem zerurdyr. Şäherler we agaçlar

17 Oktýabr 2022

Dünýäniň nebit bazary

Gazetiň şu sanynda dünýäniň iň köp nebit öndürijileri, ony eksport etmekde öňdebaryjy döwletler we benziniň iň köp ulanylýan markalary baradaky maglumatlary okyjylara ýetirmegi makul bildik. Nebit öndürmekde dünýäniň öňdebaryjy döwletleri

16 Oktýabr 2022

Dünýä habarlary

«7/24. tm», № 42 (125), 17.10. 2022 Şweýsariýanyň «rýöşti» atly milli tagamyny taýýarlamak üçin 1300 kilogram ýeralama gerek boldy. Ululygy 13,7 inedördül metr ölçegli bolan bu tagamy taýýarlan Berndäki aşpezler rekord goýmagy başardylar.

16 Oktýabr 2022

Ekologiýa howpsuzlygy – jemgyýetiň abadançylygy

Berkarar döwletimiziň täze eýýamynyň Galkynyşy döwründe Arkadagly Serdarymyzyň ata Watanymyzyň täsin we gözel tebigatyny goramak hem-de ony asyl durkunda geljekki nesillere miras goýmak, ýurdumyzyň ekologiýa abadançylygyny durnukly üpjün etmek, tebigy baýlyklardan rejeli peýdalanmak, ilatymyzyň ekologiýa medeniýetini kämileşdirmek meselesine aýratyn uly ähmiýet berýär. Ekologiýa howpsuzlygy adamyň ýaşaýşy üçin möhüm ekologik bähbitleriniň, ilkinji nobatda, arassa we sagdyn ýaşaýşy üçin amatly tebigy gurşawa bolan hukugynyň goraglylygy, döwlet syýasatynyň bu wezipeleri çözmäge gönükdirilmegi, ykdysady, dolandyryş-guramaçylyk çäreleriniň amala aşyrylyşy ýaly ugurlary öz içine alýar. Alymlaryň arasynda umumy ykrar edilen garaýyşlara görä, ekologiýa howpsuzlygynyň üpjün edilmegi tebigy we adam tarapyndan daşky gurşawa ýetirilýän täsirleriň netijesinde ýüze çykýan howplardan jemgyýetçilik köpçüligini hem-de döwletiň goraglygyny üpjün edýär. Ýurdumyzda alnyp barylýan döwlet ekologiýa syýasatynyň esasy maksady türkmen halkynyň arassa daşky gurşawda ýaşamagyny üpjün etmekden, tebigy baýlyklarymyzy rejeli peýdalanmakdan we geljekki nesillerimize has gözel görnüşde ýetirmekden ybaratdyr. Häzirki wagtda ýurdumyzda ekologiýa abadançylygyny üpjün etmek, Howanyň üýtgemegi boýunça Türkmenistanyň milli strategiýasynda we Milli tokaý maksatnamasynda öňde goýlan wezipeleri ýerine ý

15 Oktýabr 2022

Howadan energiýa alnar

«Nature Communications» žurnalynda arassa energiýanyň bir görnüşi bolan wodorodyň dikeldilýän energiýa bilen işleýän elektroliz tehnologiýasy arkaly göni howadan energiýa alyp boljakdygy baradaky makalany çap etdi. Hytaý Ylymlar akademiýasynyň Ganjiang innowasiýa akademiýasynyň, Mançester uniwersitetiniň we Melburn uniwersitetiniň alymlar topary bilelikde geçirilen ylmy-barlagyň netijesinde elektrolitik öýjük prototipini döretdiler.

4 Oktýabr 2022

Ekologik ätiýaçlandyryşyň artykmaçlyklary

Hormatly Prezidentimiziň parasatly baştutanlygynda ykdysadyýetimiziň ähli ugurlarynda uly üstünlikler gazanylýar. Beýleki ugurlar bilen bir hatarda, Türkmenistanyň Döwlet ätiýaçlandyryş guramasy hem öz işini döwrüň talabyna laýyk guramakda netijeli iş alyp barýar. Şeýe işleriň hatarynda guramamyz tarapyndan meýletin ekologik ätiýaçlandyryş şertnamasynyň baglaşylmagyny görkezmek bolar. Ätiýaçlandyrýan bilen ätiýaçlandyrylýanyň arasynda meýletin ekologiýa ätiýaçlandyryş şertnamasyny baglaşmak döwrebaplaşdyryldy, ýönekeýleşdirildi we ýeňilleşdirildi. Ätiýaçlandyryş şertnamasy ätiýaçlandyrylan tarapyndan ätiýaçlandyryş gatanjy tölenen pursadyndan başlap, baglaşylan hasaplanýar. Şonda ätiýaçlandyryjy ätiýaçlandyrylýany ätiýaçlandyryş kadalary we şertleri bilen tanyşdyryp, oňa meýletin ekologiýa ätiýaçlandyryş şertnamasynyň baglaşylandygyny tassyklaýan şahadatnamany gowşurýar.

3 Oktýabr 2022

Tebigata berlen wada

— Güller, guwanjym, güller! Siz ne beýle näzijek! — diýip, giren otagymda mährini siňdiren gülleri bilen gürleşýän kärdeşimiň sözüne goşuldym.— Akkeýik Çaryýewna, görýän weli, bu güller seniň diliňe düşünýär!— Dogrusyny aýtsam, bu bereketli topraga kesewiňi dürtseň, gögeräýýä-dä. Şu gülleri ösdürelim bäri, iş otagymyň howasy täzelenen ýaly bolaýdy. Şujagaz gülüň özi bu uly otagyň howasyny açýan bolsa, onda daş-töweregimizdäki ekilýän baglar dem alýan howamyza, gör, nähili täsirleri ýetirýändir?!— Aýdýanyň gaty dogry, Akkeýik! Daş-töweregimiziň ekologiki taýdan arassalygy biziň ählimiziň saglymyz üçin uly bir baýlyk. Munuň üçin diňe bir bag ekmek däl, eýsem dünýä ähmiýetli işler alnyp barylýar. Hut biziň döwletimizde hem Gahryman Arkadagymyz tarapyndan atmosferany hapalaýan gazlary azaltmak üçin «ýaşyl» wodorod ýangyjyny öndürmegiň zerurlygy boýunça «ýol kartasyny» döretmek teklip edildi.— Diýmek, sen indi munuň üçin «Hakdan içeni» gözlemeli bolýarsyň?! — diýen Akkeýigiň degişme äheňli sözlerini kagyza geçiriljek ýazgylaryň başlangyjy diýip kabul edipdim. Baýrammuhammet aga bilen Döwletjemal gelnejäniň ilkinji göz guwanjy Şamuhammediň çagalyk ýyllary iň gözel tebigatly ýerlerimiziň bir bolan Magtymguly etrabynyň Hojagala obasynda geçipdi. «Oglan atadan öwrener saçak açmagy» diýlişi ýaly, atadan gaýdýan mugallymçylyk kesbi onda hem höwesi, yhlaslylyg

28 Sentýabr 2022

Barlygyň baýlygy

Eziz Diýarymyzyň baý ösümlik we haýwanat dünýäsi, tebigy baýlyklary, aňyrsyna-bärsine göz ýetmeýän Garagum sährasy, belent-belent gerişli daglary, jana tenekar howasy bar. Häzirki wagtda tebigy baýlyklary rejeli ulanmak, ýer-suw serişdelerini netijeli peýdalanmak, topragyň hasyllylygyny ýokarlandyrmak, çölleşmä garşy göreşmek, biodürlüligi gorap saklamak ýaly ugurlaryň her biri babatda oňyn tejribeler toplanyldy. Aýdylanlara mysal hökmünde ýurdumyzyň welaýatlarynda, paýtagtymyz Aşgabat şäherinde her ýylda köpçülikleýin bag ekmek çäresiniň geçirilmegi bilen Watanymyzyň bagy-bossanlyga öwrülmegini, «Altyn asyr» Türkmen kölüniň gurulmagyny görkezmek bolar. Asyryň iri taslamasy bolan «Altyn asyr» Türkmen köli zeý suwlaryny has netijeli peýdalanmaga, ony ägirt uly suw howdany bolan kölde jemlemegiň hasabyna, ýurdumyzyň suw gorlarynyň möçberiniň ep-esli artmagyna mümkinçilik döredýär.

20 Sentýabr 2022

Ekologiýa abadançylygy — dünýäniň abatlygy

16-njy sentýabrda dünýäniň ýurtlary Ozon gatlagyny goramagyň halkara gününi belläp geçýär. Ýurdumyzda daşky gurşawy we atmosferany goramak meselelerine aýratyn ähmiýet berilýär. Atmosferanyň möhüm düzüm bölegi bolan ozon gatlagyny hapalaýjy zyýanly zyňyndylaryndan goramak, bug we metan gazlarynyň howa aralaşmagynyň derejesini azaltmak babatdaky işler sazlaşykly durmuşa geçirilýär. Türkmenistan atmosferany goramak boýunça BMG-niň ekologiýa howpsuzlygy baradaky ylalaşyklary boýunça konwensiýalaryna işjeň gatnaşýar. Hususan-da, Howanyň üýtgemegi boýunça BMG-niň Çarçuwaly konwensiýasyny we onuň Kiota teswirnamasyny, Pariž ylalaşygyny, ozon gatlagyny goramak boýunça Wena konwensiýasyny tassyklamak bilen, öz üstüne alan borçnamalaryny yzygiderli ýerine ýetirýär. Ýurdumyzda atmosfera howasyny senagat önümçilikleriniň zyýanly zyňyndylaryndan goramak, «ýaşyl» ykdysadyýet ýörelgelerini giňden ornaşdyrmak, pes uglerodly energetika geçmek, howanyň hapalanmagynyň öňüni almak boýunça halkara ekologiýa kadalaryna laýyk getirmek üçin giň gerimli taslamalar durmuşa geçirilýär.

14 Sentýabr 2022

Jennet mekan - Türkmenistan

Durnukly ösüşiň maksatlaryna ýetmekde durmuş-ykdysady ugurlar bilen birlikde, ilkinji nobatda, ekologiýa howpsuzlygyny, daşky gurşaw bilen adamzat ýaşaýşynyň sazlaşygyny gazanmak möhüm çözülmeli wezipeleriň biri bolup durýar. Barha senagatlaşýan häzirki zaman dünýäsi daşky gurşawa aýawly çemeleşmek, tebigaty arassa saklamak, ekologiýa ýagdaýlary boýunça halkara hyzmatdaşlygyny has-da berkitmek, hukuk binýadyny pugtalandyrmak, bu ugurda özara gatnaşyklaryň ylalaşyklaryny kemala getirmek ýaly gaýragoýulmasyz wezipeleriň çözgütlerine zerurlygy öňe çykardy. Bilşimiz ýaly, ekologiýa howpsuzlygyny üpjün etmek baradaky tagallalarda häzirki wagta çenli dünýä, halkara derejesinde umumadamzat bähbitlerini nazarlaýan ençeme maslahatlar, sammitler geçirildi. Bitewülik ýörelgelerini talap edýän şeýle gaýragoýulmasyz möhüm wezipelerde Türkmenistanyň ýurt Garaşsyzlygynyň ilkinji günlerinden başlap, şeýle hem hemişelik Bitaraplyk syýasatyna esaslanyp, ählumumy tagallalaryň zerurdygyny ynamly öňe sürmegi, bu babatdaky başlangyçlary bütin dünýäde giň goldawa eýe boldy.

7 Sentýabr 2022

Ekologiýa medeniýeti kemala gelýär

Ekologik düşünje we tebigata söýgi çagalykdan başlap kemala gelýär. Ösüp gelýän ýaş nesillere tebigaty goramak, onuň gymmatlyklaryna aýawly çemeleşmek we hormat goýmak ýörelgelerinde terbiýe bermek, ýaşlaryň ekologik medeniýetiniň derejesini ýokarlandyrmak döwletimiziň ileri tutýan esasy ugurlarynyň biridir. Çünki häzirki döwürde älem giňişliginde iň çylşyrymly meseleleri bilen öňe çykýan ekologiýa çuňňur öwrenmegi, ähli meseleleri düýpli seljermegi we netijeli baş alyp çykarmagy talap edýär. Şeýle döwürde ekologik düşünjeleri we bu babatdaky maglumatlary ýakyndan bilmek, akyl ýetirmek, ekologik nukdaýnazaryndan sowatly çemeleşmäni gazanmak möhüm wezipeleriň hatarynda durýar. Şeýle belent wezipäni amala aşyrmakda ýaşlaryň ekologik çärelere gatnaşmagyny üpjün etmek möhüm ähmiýete eýe bolup durýar. Däp bolup gelşi ýaly, şu ýylyň baharynyň ilkinji günlerinde Arkadagly Serdarymyzyň baştutanlygynda ýurdumyzda ählihalk bag ekmek çäresi geçirilip, ýaşlar hem bu asylly çärä işjeň gatnaşdylar. Geljekde ekilen baglar ösüp boý alyp, ajaýyp bir gözelligi we iň esasysy tebigatymyzyň howa sazlaşygynyň arassa ulgamyny döretmekde berk esas bolar. Şeýle ynsanperwer çärä gatnaşan ýaş nesliň ýüregi buýsançdan doly. Çünki tebigat biziň öýümizdir, ýaşaýyş gurşawymyzdyr. Bu gurşawda özboluşly medeniýet kemala gelip, edil adamlaryň birek-birek bilen mähirli gatnaşyşy ýaly, adam bilen t

7 Sentýabr 2022

Bahasyz baýlygyň goragynda

Ýurdumyzda tebigy gözellikleriň goralyp saklanylmagynda, ilatyň ekologiýa düşünjeleriniň ösdürilmeginde Türkmenistanyň Tebigaty goramak jemgyýetiniň alyp barýan işleriniň hem möhüm orny bardyr. Bu jemgyýet 1968-nji ýylda döredilip, ol daşky gurşawy goramak, tebigatdan rejeli peýdalanmak, ekologiýa abadançylygyny üpjün etmek boýunça giň möçberli ylmy, wagyz-nesihat, aň-bilim, amaly işleri alyp barýar. Bu guramanyň esasy maksady ülkämizde tebigaty goramakda jemgyýetçilik işlerine ýolbaşçylyk etmekden we sagdyn, ekologiýa abadançylygy ugrundaky jemgyýetçilik hereketlerini goldamakdan, şu hereketiň esasynda tebigy baýlyklary aýawly saklap, gaýtadan dikeldip, goramak, peýdalanmak boýunça raýatlaryň höwesjeňligini we işjeňligini ösdürmekden, bu babatdaky döwlet syýasatlaryny goldamakdan ybaratdyr. Türkmenistanyň Tebigaty goramak jemgyýeti Diýarymyzda umumymilli jemgyýetçilik guramasy bolup, işini höwesjeňlik bilen öz-özüni maliýeleşdirip dolandyrmak we guramak usulynda alyp barýar. Tebigaty goramak jemgyýeti ähli jemgyýetçilik, ylmy döredijilik birleşikleri, döwlet guramalary bilen, şeýle-de alyp barýan işleri tebigaty goramak meselelerini çözmäge gönükdirilen beýleki guramalar bilen hyzmatdaşlyk edýär. Jemgyýetiň guramaçylyk işi hyzmatdaşlyk, deňhukuklylyk şertlerinde amala aşyrylyp, özara bähbitlerdir maksatlaryň umumylygy bilen kesgitlenilýär.

31 Awgust 2022

‹
1
2
...
15
16
17
18
19
20
21
...
49
50
›