"Türkmen dünýäsi" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-45, 38-60-40, 38-60-44
Email: turkmendunyasi@sanly.tm

Gazeti PDF görnüşinde ýükläp almak

Habarlar

“Türkmenistan” awiakompaniýasy: Jidde we Kuala-Lumpura gatnawlara başlaýar

“Türkmenistan” awiakompaniýasy 2024-nji ýylyň birinji çärýeginde uçar gatnawlarynyň toruny giňelder we awiakompaniýa Saud Arabystanynyň Jidde hem-de Malaýziýanyň Kuala-Lumpur şäherlerine awiagatnaw hyzmatyny berip başlar. Kuala-Lumpur şäheirne gatnawlar 15-nji fewralda, Jidde şäheirne bolsa 16-njy fewralda başlanar. “AeroRoutes” kompaniýasynyň saýtynyň maglumatyna görä, “Türkmenistan” awiakompaniýasy Jidde şäherinde hepdede 3 gezek, Kuala-Lumpura bolsa, hepdede 2 gezek uçar gatnawlaryny ýerine ýetirer.

10 Ýanwar 2024

Syýahatçylyk

“Eşretli syýahat”: Türkiýä üçin arzan bahaly bilet

Ýokary hilli syýahatçylyk hyzmatlaryny hödürleýän “Eşretli Syýahat” hojalyk jemgyýeti Aşgabat-Stambul-Aşgabat ugry boýunça arzan bahaly bilet mümkinçiliginden peýdalanmaga çagyrýar. “Türkhowaýollary” awiakompaniýasynyň Aşgabat-Stambul-Aşgabat ugry boýunça uçar gatnawynyň awiabiletiniň bahasy bary-ýogy 490 ABŞ-nyň dollaryna deňdir. «Türkhowaýollary” awiakompaniýasynyň Türkmenistandaky ygtyýarlandyrylan agentlerinden “Eşretli Syýahat” hojalyk jemgyýetiniň kassalaryndan Aşgabat-Stambul-Aşgabat ugry boýunça arzan bahaly biletleri satyn alyp bilersiňiz. Bu arzan bahaly biletleri 2024-nji ýylyň 31-nji martyna çenli döwür üçin satyn alyp bilersiňiz.

10 Ýanwar 2024

Syýahatçylyk

Täze «Boeing 777-300ER» kysymly ýolagçy uçary Aşgabat — Abu-Dabi şäherine uçuşy amala aşyrdy

Aşgabadyň Halkara howa menziline gelen ikinji täze «Boeing 777-300ER» kysymly ýolagçy uçary Abu-Dabi şäherine uçuşy amala aşyrdy. Bu barada TDH ýazýar. Döwrebap howa gämisi 368 ýolagçyny gatnatmaga ukyply. Onda 2 sany «GE90-115BL2» görnüşli hereketlendiriji ornaşdyrylan. Bu uçaryň uçuş uzaklygy 11 390 km deň bolup, ol 40 tonna çenli göwrümli ýük bilen halkara gatnawlary bökdençsiz ýerine ýetirip bilýär.

8 Ýanwar 2024

Syýahatçylyk

«Flydubai» türkmen uçarmanlary üçin okuwlary geçirer

Türkmenistanyň Ministrler Kabinetiniň ýanyndaky Ulag we kommunikasiýalar agentligi bilen «Dubai Aviation Corporation» kompaniýasynyň arasynda uçarmanlary taýýarlamak boýunça özara düşünişmek hakyndaky Ähtnama gol çekildi. Bu barada «Türkmenhowaýollary» agentligi habar berýär. Ähtnama laýyklykda, taraplar «Flydubai» ygtyýarnama merkezinde uçarmanlar üçin okuw hyzmatlaryny bermek mümkinçiligine garamakçy. Okuw «Boeing 737» kysymly uçarda geçiriler.

8 Ýanwar 2024

Syýahatçylyk

“Türkmenistan” awiakompaniýasy Aşgabat – Abu-Dabi ugry boýunça uçuşlary gaýtadan dikeltdi

“Türkmenistan” awiakompaniýasy” açyk görnüşli paýdarlar jemgyýeti Aşgabat – Abu-Dabi – Aşgabat ugry boýunça ýolagçy uçar gatnawlarynyň gaýtadan dikeltdi. Onuň ilkinji uçuşy 5-nji ýanwarda ýerine ýetirildi. Degişli ugra ýolagçy uça gatnawlarynyň gaýtadan dikeldilmegi türkmen halkynyň Milli Lideri, Gahryman Arkadagymyz Gurbanguly Berdimuhamedowyň Birleşen Arap Emirliklerine saparynyň wagty bilen gabat geldi. Bu saparyň barşynda ulag ulgamyndaky hyzmatdaşlyga aýratyn orun berilýär.

6 Ýanwar 2024

Syýahatçylyk

"Flydubai" Türkmenistan bilen howa gatnawlaryny giňeltmäge taýýar

Birleşen Arap Emirlikleriniň döwlet awiakompaniýasy - "Flydubai" Türkmenistan bilen howa gatnawlaryny giňeltmek, şeýle hem bu ugurda işgärler düzümini taýýarlamak we maddy-enjamlaýyn ugurlarda ýurduň awiasiýa pudagy bilen hyzmatdaşlygy giňeltmäge taýýardyr. Bu barada "Dubai Aviation" korporasiýasynyň (Flydubai) täjirçilik direktory Hamad Obeýdalla türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Gurbanguly Berdimuhamedow bilen bolan duşuşygynda mälim etdi.

6 Ýanwar 2024

Syýahatçylyk

Türkmenistana bir aýyň içinde iki "Boeing" uçary getirildi

Türkmenistan raýat awiasiýasyny ösdürmek bilen bagly 2030-njy ýyla çenli kabul eden milli maksatnamasyna laýyklykda bu pudagy yzygiderli döwrebaplaşdyrýar. Türkmenistanyň awiasiýa parkyna raýat gatnawlaryna niýetlenen "Boeing 777-300" kysymly uçaryň nobatdakysy gelip gowuşdy. Bu Türkmenistanyň Hormatly Prezidentiniň gol çeken Karary esasynda soňky bir aýda Türkmenistana getirilen uçarlaryň ikinjisidir. Şeýle ýolagçy uçaryň ilkinjisi geçen ýylyň 4-nji dekabrynda Aşgabadyň Halkara howa menziline gonupdy.

6 Ýanwar 2024

Syýahatçylyk

«Türkmenistan» awiakompaniýasy Milana, Kuala-Lumpura, Jidda we Hoşimine uçuşlaryny dowam etdirer

Türkmenistanyň howa ýollary Aşgabatdan Milana (Italiýa), Kuala-Lumpura (Malaýziýa), Jidda (Saud Arabystany) we Hoşimine (Wýetnam) uçuşlaryny dowam etdirer. Muny turkmenistanairlines.tm web sahypasyndaky täzelenen maglumatlar görkezýär. Häzirki wagtda Türkmenistanyň paýtagtyndan Jidda (4322.5 TMT) we Hoşimin 6002.5 TMT) uçuşlaryna petekleriň onlaýn satuwy başlandy.

6 Ýanwar 2024

Syýahatçylyk

Hytaý özüniň ýolagçy uçaryny şu ýyl daşary ýurtly hyzmatdaşlara hödürlär

2024-nji ýylda Hytaý daşary ýurtly müşderilere özüniň "COMAC C919" ýolagçy uçaryny hödürläp başlar. Häzirki wagtda bu görnüşli täze uçarlaryň diňe üçüsi yzygiderli ýolagçy gatnawlary amala aşyrýar. "COMAC C919" uçarynyň Hytaýdan daşarda geçirilýän awiauçarlaryň dürli halkara şüweleňine işjeň gatnaşmagyna garaşylýar.

6 Ýanwar 2024

Syýahatçylyk

«Türkmenistan» awiakompaniýasy ýanwaryň başyndan 10 sany halkara ugur boýunça uçuşlary amala aşyrýar

Ýanwar aýynyň başyndaky ýagdaýa görä, «Türkmenistan» awiakompaniýasy 8 ýurda 10 sany halkara ugur boýunça uçuşlary amala aşyrar. Bu barada awiakompaniýanyň resmi saýtynda ýerleşdirilen uçuşlaryň tertibinde habar berilýär. Uçuşlaryň aglaba bölegi Russiýa Federasiýasyna amala aşyrylar. Has takygy, «Türkmenistan» awiakompaniýasynyň uçarlary Moskwa (3655,8 manat) hepdede 5 gezek we Kazana (4954,3 manat) bolsa hepdede 4 gezek gatnar. Petekleriň bahasy turkmenistanairlines.tm saýtynda görkezilendir.

3 Ýanwar 2024

Syýahatçylyk

Meşhur bazarlar

Orta asyrlardan gözbaş alýan we adatça, Ýewropanyň şäher merkezlerinde geçirilýän Täze ýyl bazarlary häzirki wagtda Aziýadan Amerika çenli bütin dünýäde duş gelýär. Geliň, hemmelere şatlyk paýlaýan dünýäniň Täze ýyl bazarlaryna aýlanalyň! Wena

27 Dekabr 2023

Syýahatçylyk

Jümle-jahan habarlary

Ýerasty tebigy suw howdany tapyldy Geologlaryň halkara topary tarapyndan Sisiliýa adasynyň astynda mundan, takmynan, 6 million ýyl öň dörän ägirt uly tebigy suw howdany tapyldy. Hünärmenleriň tassyklamaklaryna görä, süýji suwly bu ýatak ýerli ilaty agyz suwy bilen üpjün etmek meselesini üstünlikli çözmäge ýardam eder. Hünärmenleriň pikirlerine görä, 2,5 kilometr çuňluga çenli uzalyp gidýän bu howdan arassa agyz suwunyň 17,5 kub kilometrden gowragyny saklaýar. Bu ägirt uly suw ýatagy Sisiliýa bilen birlikde Marokkonyň, Tunisiň, Müsüriň, Türkiýäniň we Liwanyň ilatynyň hem agyz suwy bilen üpjünçiligini gowulandyrmaga ýardam eder.

27 Dekabr 2023

Syýahatçylyk

“Türkmenistan” awiakompaniýasy 2024-nji ýylda uçuş ugurlaryny giňeltmegi meýilleşdirýär

“Türkmenistan” awiakompaniýasy 2024-nji ýylyň birinji çärýeginde üç sany täze ugry goşmak we uçuşlary gaýtadan dikeltmek arkaly uçuş ulgamyny giňeltmegi meýilleşdirýär. Dünýädäki awiakompaniýalaryň meýilnamalarynyň we torlarynyň gündelik üýtgeşmelerini täzelemäge ýöriteleşýän “AeroRoutes” portalynyň sişenbe güni habar bermegine görä, täze ugurlar Aşgabat – Abu-Dabi, Aşgabat – Hoşimin (Wýetnam) we Aşgabat – Milan ugurlaryny öz içine alýar. 2024-nji ýylyň 5-nji ýanwaryndan başlap, Aşgabat – Abu-Dabi ugry boýunça (gaýtadan dikeldilen uçuş) uçuşlar hepdede bir gezek amala aşyrylar. Aşgabat – Hoşimin ugry boýunça uçuşlar indiki ýylyň 5-nji ýanwaryndan hepdede iki gezek, Aşgabat – Milan/Malpensa ugry boýunça bolsa 2024-nji ýylyň 6-njy ýanwaryndan hepdede bir gezek ýerine ýetiriler.

27 Dekabr 2023

Syýahatçylyk

«S7» awiakompaniýasynyň petekleri Türkmenbaşy we Balkanabat şäherlerinde satuwa çykaryldy

Russiýanyň «S7» awiakompaniýasynyň gatnawlary üçin petekler Türkmenistanyň Balkan welaýatynyň Türkmenbaşy we Balkanabat şäherlerinde satuwa çykaryldy. Petekleri Türkmenbaşynyň halkara howa menziliniň kassasyndan we «Türkmenistan» howa ýollarynyň Balkanabat şäheriniň awtomenzilinde ýerleşýän satuw ofisinden satyn alyp bilersiňiz.

23 Dekabr 2023

Syýahatçylyk

Owadan şuglaly arça

«Evergreen Classics» kompaniýasynyň Täze ýyl arçalarynyň çyralaryny smartfonlaryň üsti bilen islendik görnüşde ýakmak bolýar. Bu täsin arçalaryň boýy 230 santimetre deň bolup, onuň diametri 130 millimetre barabardyr. Bu kompaniýanyň döreden dürli görnüşli arçalarynyň arasynda iň täsini smartfon arkaly dolandyrylýan çyraly görnüşidir. Onuň çyralary 390 RGB-e eýedir. Bu çyralary smartfonlarda «Twinky» programmasy arkaly dürli görnüşde üýtgedip bolýar. Bu programmada ýörite düzülen birnäçe görnüşli çyralaryň yşyklandyryş görnüşleri taýýarlanylyp, ulanyjylaryň isleglerine görä, her gün üýtgedilip bilner. Arçalar birnäçe böleklere bölünýändigine garamazdan, olary düzmek we ýygnamak örän aňsat amala aşyrylýar.

20 Dekabr 2023

Syýahatçylyk

Eýran 32 ýurt üçin wiza düzgünini ýatyrdy

Eýranyň hökümeti 32 ýurduň raýatlary üçin wiza düzgünini ýatyrmak kararyna geldi. Bu barada «Tehran Times» habar berdi. «Syýahatçylyk ministrliginiň käbir ýurtlar üçin wizalary ýatyrmak baradaky teklibi hökümet tarapyndan tassyklandy. Wizalaryň birtaraplaýyn ýatyrylmagy hökümetiň mejlisinde makullandy. Şeýlelikde, Eýran Yslam Respublikasy dünýäniň dürli künjeginden gelýän myhmanlara gapylaryny giňden açmaga we olaryň ýurda ýeňillik bilen baryp görmekleri we gazananlaryna baha bermekleri üçin has uly mümkinçilikleri döretmäge taýýardygyny görkezdi» — diýip, Eýranyň Syýahatçylyk ministrliginiň ýolbaşçysy Ezzatolla Zargami belledi.

20 Dekabr 2023

Syýahatçylyk

«Türkmenistan» awiakompaniýasynyň Russiýadaky Baş wekilligi ýygy-ýygydan berilýän sowallara jogap berdi

Russiýa Federasiýasyndaky «Türkmenistan» awiakompaniýasynyň baş wekilligi resmi web sahypasynda ýolagçylaryň Moskwa — Aşgabat — Bangkok we Kazan — Aşgabat — Bangkok gatnawlaryny utgaşdyrmak bilen baglanyşykly ýygy-ýygydan berýän sowallaryna jogaplary çap etdi. Olar bilen şu salgydan https://turkmenistanairlines.ru/news/307 tanşyp bilersiňiz. Resmi web sahypasynda bellenilişi ýaly, Bangkoga uçmak üçin ýolagçylaryň PCR synagyndan geçmeginiň zerurlygy ýok.

19 Dekabr 2023

Syýahatçylyk

Özbegistan we Saud Arabystany howa gatnawlarynyň sanyny artdyrmakçy

Özbegistan we Saud Arabystany şäherleriň arasynda yzygiderli howa gatnawlarynyň sanyny hepdede 70-e çenli artdyrmak barada ylalaşdylar diýip, «Trend» habar berýär. Bu ugurda geleşik «ICAN-2023» çäresiniň barşynda Özbegistanyň Ulaglar ministrliginiň wekilçilikli topary bilen Saud Arabystany Patyşalygynyň Howa edarasynyň arasynda baglaşyldy.

16 Dekabr 2023

Syýahatçylyk

«Türkmenistan» awiakompaniýasy totgadylmadan soň Aşgabat — Moskwa ugry boýunça ilkinji uçuşy amala aşyrdy

«Türkmenistan» awiakompaniýasy şäherleriň arasynda howa gatnawy täzeden başlandan soň Aşgabat — Moskwa ugry boýunça ilkinji uçuşyny amala aşyrdy. Muny Moskwanyň Domodedowo halkara howa menziliniň onlaýn tablosyndaky maglumatlar hem görkezýär. Türkmen howa gatnawçysynyň uçary Aşgabadyň Halkara howa menzilinden sagat 07:24-de uçup, 09:20-de (Moskwa wagty) Moskwa gondy. Uçuş dowamlylygy 3 sagat 56 minut.

16 Dekabr 2023

Syýahatçylyk

Gezsem, dünýäni görsem

Şweýsariýa — Sýurih Häzirki wagtda dünýäniň iň baý döwletleriniň biri hasaplanýan Şweýsariýanyň Sýurih şäheri 2023-nji ýylyň iň gowy akylly şäheri hökmünde saýlandy. Bu şäheriň üstünligini, esasanam, kämil hyzmat ediş düzümleri, binalarynyň berkligi, transport ulgamy bilen baglanyşdyrýarlar. Sýurih akylly ýol hereketini dolandyrmak, energiýa tygşytlaýan ulgamlar ýaly birnäçe innowasion çözgütleri durmuşa geçirdi. IBM «Akylly şäher indeksi» Sýurih şäheriniň meşhurlygyny has-da artdyrdy.

13 Dekabr 2023

Syýahatçylyk