Türkmenmetbugat

"Türkmen dünýäsi" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-45, 38-60-40, 38-60-44
Email: turkmendunyasi@sanly.tm

Gazeti PDF görnüşinde ýükläp almak

Habarlar

Abadan ýaşaýyş wagyz edildi

Golaýda Daşoguz şäherinde ýerleşýän, Türkmenistanyň Goranmak ministrliginiň hem-de Serhet gullugynyň harby bölümlerinde döwlet edaralarynyň işgärleriniň KA-nyň Daşoguz şäher geňeşiniň guramagynda wagyz-nesihat ýygnaklary geçirildi. Ýygnaklarda welaýat Polisiýa müdirliginiň, Suwda halas ediş müdirliginiň, TMÝG-niň Daşoguz şäher geňeşiniň wekilleri çykyş etdiler. Çykyşlarda berkarar Watanymyzyň dünýäde parahat hem asuda ýurt hökmünde tanalýandygy, ýurdumyzyň serhetleriniň ygtybarly goralýandygy, halkymyzyň bagtyýar durmuşda ýaşaýandygy barada täsirli gürrüň edildi. Şeýle hem adam hakdaky aladanyň ilkinji nobatda durýandygy, olaryň kanuny hukuklarynyň hemişe goralýandygy barada aýdylyp, şeýle uly aladalara laýyk hemmeleriň öz ornunda mynasyp iş bilen jogap bermelidikleri ündeldi. Ýurdumyzyň syýasy durmuşynda bolup geçýän taryhy wakalar barada bellenip, oňa bagtyýar raýatlarymyzyň ýokary işjeňlik bilen gatnaşýandyklary aýdyldy.

15 Awgust 2024

Çeper halyçylyk kärhanasynda geçen duşuşyk

Bäherden Çeper halyçylyk kärhanasynda «Ýurduň ýaşlary — bagtyň açary» ady bilen geçirilen wagyz-nesihat duşuşygyny Türkmenistanyň Magtymguly adyndaky Ýaşlar guramasynyň Bäherden etrap Geňeşi gurady. Oňa halyçy gelin-gyzlar, şeýle-de bilim ulgamynda zähmet çekýän ýaşlar gatnaşdy. «Pähim-paýhas ummany Magtymguly Pyragy» ýylyna bagyşlanan duşuşykda Watanymyzyň geljegi bolan ýaşlaryň häzirki döwrüň talabyna laýyk, kämil şahsyýet hökmünde kemala gelmegi üçin ýurdumyzda durmuşa geçirilýän işler barada gürrüň edildi, «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasynyň» üstünlikli durmuşa geçirilişi dogrusynda bellenip geçildi.

15 Awgust 2024

Usuly-amaly okuwlar

Täze 2024-2025-nji okuw ýylyna taýýarlykly başlamakda şu günler geçirilýän pedagogik işgärleriniň etrap usuly-amaly okuwlarynyň ähmiýeti uludyr. Bu usuly-amaly okuwlar Tejen etrabynda hem guramaçylykly dowam edýär. Oňa öňdebaryjy bilim işgärleri işjeňlikde gatnaşýarlar. Usuly-amaly okuwlarda Berkarar döwletiň täze eýýamynyň Galkynyşy döwründe ösüp gelýän ýaş nesle çuňňur bilim we asylly terbiýe bermegiň möhüm meseleleri, ýokary netijeli iş tejribeler, okatmagyň täze, işjeň usullary barada giňişleýin gürrüň edilýär. Olaryň barşynda işjeň pikir alyşmalara giň orun berilýär.

15 Awgust 2024

Maşgala mukaddesligine bagyşlandy

Bäherden etrap Döwlet ätiýaçlandyryş guramasynda Türkmenistanyň Magtymguly adyndaky Ýaşlar guramasynyň etrap Geňeşiniň guramagynda wagyz-nesihat duşuşygy geçirildi. “Pähim-paýhas ummany Magtymguly Pyragy” ýylyna bagyşlanan duşuşyga agzalan guramada zähmet çekýän ýaşlar gatnaşdy. Duşuşykda çykyş edenler bu gün ýurdumyzda gelin-gyzlaryň bilim almagy, hünär öwrenmegi, zähmet çekmegi, Watanymyzyň ösüşlerine goşant goşmagy ugrunda giň şertler döredilendigini belläp, ýaşlara maşgala mukaddesligi, arassa ahlaklylyk, agraslyk ýaly asyrlarboýy türkmen zenanynyň süňňüne siňen gözel häsiýetleri ündediler.

15 Awgust 2024

Düşündiriş işleri netijeliligi bilen tapawutlanýar

“Pähim-paýhas ummany Magtymguly Pyragy” ýylynda Babadaýhan etrap prokuraturasynyň, etrap häkimliginiň, etrabyň jemgyýetçilik guramalarynyň hem-de beýleki hukuk goraýjy edaralarynyň bilelikde guramagynda etrabyň çäginde wagyz-nesihat, düşündiriş işleri yzygiderli geçirilýär. Häzirki günlerde etrabyň edara-kärhanalarynyň, guramalarynyň işçi-hünärmenleriniň arasynda guralýan duşuşykdyr maslahatlarda ilatyň hukuk taýdan sowatlylygyny ýokarlandyrmak, kanunçylygy düşündirmek maksady bilen täsirli çykyşlara aýratyn üns çekilär. Wagyz-nesihat, düşündiriş işleriniň barşynda Watanymyzyň ykdysady, syýasy, medeni ugurlarynda bolup geçýän wakalar, ösüşler we özgertmeler hakda hem gürrüň edilip, halkymyzyň ýaşaýyş-durmuş derejesiniň yzygiderli ýokarlanmagynda olaryň ähmiýeti barada aýdylýar. Çykyşlarda milli kanunçylyk, hukuk namalary düşündirilip, kanunçylygyň talaplaryny berjaý etmek, ýaramaz endiklerden daşda durmak, maşgala gymmatlygy bilen bagly degerli maslahatlar berilýär. Munuň özi ildeşlerimizde uly täsirleri döredýär.

15 Awgust 2024

Döwletli maslahata barýarys

Hormatly Prezidentimiziň mukaddes Garaşsyzlygymyzyň 33 ýyllyk baýramynyň öňüsyrasynda geçiriljek Türkmenistanyň Halk Maslahatynyň mejlisini guramaçylykly geçirmek boýunça beren tabşyryklaryndan ugur alyp, welaýat Taryhy we ülkäni öwreniş muzeýinde maslahat geçirdik. Oňa il sylagly ýaşulular, Türkmenistanyň Mejlisiniň deputatlary, welaýat halk maslahatynyň agzalary we partiýamyzyň Türkmenabat şäher we Hojambaz etrap komitetiniň işgärleri we işjeň agzalary gatnaşdylar. «Türkmenistanyň Halk Maslahaty halkymyzyň synmaz güýjüdir» diýen at bilen geçirilen maslahatda öňde geçiriljek bu ählihalk forumyna taýýarlyk görmek, Halk Maslahatynyň mejlislerinde kabul edilýän çözgütleriň ähmiýetini ilat arasynda wagyz etmek, raýatlardan gelip gowuşýan teklipleri öwrenmek boýunça alnyp barylýan işlere seljerme berildi. Ildeşlerimiz döwletimizi ösdürmekde, halkymyzyň ýaşaýyş-durmuş derejesini yzygiderli gowulandyrmakda, halk bilen döwletiň sazlaşykly işini dowam etdirmekde bu ählumumy forumynyň geçirilmeginiň aýratyn ähmiýete eýedigini uly buýsanç bilen nygtadylar. Çykyşlarda döwletlilik ýörelgeleriniň dowamat-dowam bolýan döwründe geçiriljek bu nobatdaky mejlisde mundan beýläk-de döwletimiziň okgunly ösüşini üpjün etmek, raýat jemgyýetini we halkymyzyň bagtyýarlygyny berkarar etmek ugrunda döwletli çözgütleriň kabul ediljekdigine uly ynam bildirildi.

15 Awgust 2024

Mertler Watany beýgeldýär

Welaýat kitaphanasynda «Ömri — nesillere görelde, pendi — paýhas-ýörelge» diýen at bilen söhbetdeşlik geçirdik. Oňa döwürdeş ýazyjy-şahyrlarymyz, döredijilik işgärleri we jemgyýetçilik guramalarynyň wekilleri gatnaşdylar. Gahryman Arkadagymyzyň kyblasy, hormatly Prezidentimiziň atasy Mälikguly Berdimuhamedowyň ömür ýoluny, durmuş tejribesini ýaşlaryň arasynda wagyz etmek maksady bilen geçirilen bu söhbetdeşlikde paýhasly pederlerimiziň terbiýe mekdebi dogrusynda täsirli söhbetler edildi. Şeýle-de hakyky watançy, ýokary ahlakly, belent adamkärçilikli, edep-terbiýeli nesilleri terbiýeläp ýetişdirmekde Gahryman Arkadagymyzyň we hormatly Prezidentimiziň kitaplarynyň gymmaty aýratyn nygtaldy. Çykyşlarda nygtalyşy ýaly, özüniň manyly ömrüni halkyna, mähriban topragyna bagyş eden, il-günüň agzybirligi ugrunda asylly zähmet çeken Mälikguly Berdimuhamedowyň ömür ýoly her birimiz üçin göreldedir, beýik mekdepdir. Watansöýüjiligiň, ynsanperwerligiň we belent adamkärçiligiň nusgasyny görkezen Mälikguly aganyň durmuş ýoly hakyndaky ýatlamalar biziň kalbymyzda ebedi ýaşar.

15 Awgust 2024

Welaýat zenanlar bölüminde

Halk Maslahaty — döwletli işleriň badalgasy Hemmämize mälim bolşy ýaly, şu günler ýurdumyzyň ähli ýerinde Türkmenistanyň Halk Maslahatynyň nobatdaky mejlisine görülýän taýýarlyk işlerine bagyşlanylyp geçirilýän çäreler giň gerime eýe bolýar.

15 Awgust 2024

Tebigat biziň öýümizdir

TMÝG-niň Mary etrap geňeşiniň, etrap bilim bölüminiň bilelikde guramagynda “Tebigat biziň öýümizdir” ady bilen etrapdaky 1-nji, 2-nji, 6-njy çagalar baglarynyň körpeleriniň arsynda surat çekmek boýunça çäre geçirildi. Çärä TMÝG-niň etrap geňeşiniň işgärleri, etrap bilim bölüminiň hünärmenleri, etrapdaky çagalar baglarynyň terbiýeçileri gatnaşdylar. Çärede TMÝG-niň etrap geňeşiniň esasy hünärmenleri Zylyha Bakyýewa, Mähri Saparowa, 2-nji çagalar bagynyň müdiri Sähra Akmämmedowa çykyş etdiler.

15 Awgust 2024

Milli hukuk ulgamymyzyň berk binýady

Berkarar döwletiň täze eýýamynyň Galkynyşy döwründe “Pähim-paýhas ummany Magtymguly Pyragy” ýylynda milli döwletlilik, halk häkimiýetini berkarar etmek baradaky gadymdan gelýän ýol-ýörelgelerden, halkymyzyň baý durmuş tejribesinden ugur alýan hormatly Prezidentimiziň durmuşa geçirýän oýlanyşykly syýasatynyň netijesinde ýurdumyzda möhüm işler durmuşa geçirilýär. Häzirki wagtda ýurdumyzyň hukuk esaslaryny mundan beýläk-de pugtalandyrmak we berkitmek ugrunda kanunçylyk namalarynyň kämilleşdirilmegi, döwlet häkimiýet edaralarynyň netijeli işlemegi üçin ähli mümkinçilikleriň döredilmegi uly ähmiýete eýedir. Munuň özi döwletimiziň hukuk esaslaryny berkitmek arkaly ösüşlerimiziň has-da rowaçlanmagyna, ýurdumyzyň kuwwatlanmagyna alyp barýar. Täze taryhy eýýamda döwlet gurluşyny, hukuk ulgamyny yzygiderli kämilleşdirmäge, jemgyýetçilik durmuşyny demokratiýalaşdyrmaga, ata Watanymyzyň parahatçylygyň we ösüşiň ýoly bilen täze sepgitlere çykmagyny üpjün etmäge gönükdirilen yzygiderli çäreler yzygiderli alnyp barylýar. Şol sanda ýurdumyzyň kanunçylyk binýadyny kämilleşdirmek, kabul edilýän kadalaşdyryjy hukuk namalarynyň mazmunyny hem-de ähmiýetini ilat arasynda düşündirmek elbetde jemgyýetçilik edaralarynyň işgärleriniň esasy wezipesi bolup durýar. Munuň özi demokratik, hukuk we dünýewi döwletimizde kabul edilen maksatnamalaryň üstünlikli durmuşa geçirilmeginde, halkymyzyň bagt

15 Awgust 2024

“Miras” žurnaly: alymlaryň türkmen halkynyň taryhy-medeni mirasyna ylmy garaýyşlary

Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan çärýekde bir gezek neşir edilýän «Miras» ylmy-köpçülikleýin žurnalynyň nobatdaky sany çapdan çykdy. «Pähim-paýhas ummany Magtymguly Pyragy» şygary astynda geçýän şu ýyl şanly wakalara beslenip, şöhratly ata-babalarymyzyň we beýik türkmen şahyry Magtymguly Pyragynyň taryhy-medeni mirasyna täzeçe nazar aýlamaga mümkinçilik döredýär. Medeni-ruhy gymmatlyklaryň özboluşlylygy, köpdürlüligi halklary jebisleşdirýän esasy baýlyk bolup durýar. Neşiriň ilkinji sahypalarynda hormatly Prezidentimiz Serdar Berdimuhamedowyň Bütindünýä saglyk güni, 1941 — 1945-nji ýyllaryň Beýik Watançylyk urşunda gazanylan Ýeňşiň 79 ýyllygy, Türkmen bedewiniň milli baýramy, Türkmenistanyň Konstitusiýasynyň we Döwlet baýdagynyň güni, Türkmen halysynyň baýramy, Ylymlar güni, Medeniýet we sungat işgärleriniň hem-de Magtymguly Pyragynyň şygryýet güni mynasybetli, şeýle-de “Pähim-paýhas ummany Magtymguly Pyragy” atly halkara ylmy maslahata gatnaşyjylara Gutlaglary ýerleşdirilipdir.

15 Awgust 2024

Watansöýüjilik — asylly ýörelge

Türkmen halkynyň Milli Lideri: «Biziň döwletimiziň mundan beýläk-de gülläp ösmeginde ilkinji we esasy şertimiz Watana bolan söýgimizdir! Watan biziň gözümiziň görejidir! Watan başymyzyň täjidir! Watana söýgi iň beýik söýgüdir! Watan biziň guwanjymyzdyr!» diýip nygtaýar. Hormatly Prezidentimiz: «Watan diňe halky bilen Watandyr! Döwlet diňe halky bilen döwletdir!» diýip belleýär. Gahryman Arkadagymyzyň we Arkadagly Gahryman Serdarymyzyň bu sözleri hemmeler üçin, şol sanda ýaş nesil, aýratyn-da, döwlet gullukçylary üçin ýörelge, ýurdumyzy ösüşleriň täze menzillerine ýetirmekde ruhlandyryjy güýç bolup durýar. Islendik halkyň watansöýüjiligi onuň döredijiliginde, aýratyn-da, nusgawy edebiýatynda äşgär ýüze çykýar. Edebiýat her bir halkyň kalbynyň aýnasydyr, milli häsiýetiniň beýanydyr we ruhy-ahlak terbiýesiniň gözbaşydyr. Edebiýat milletiň kalbynda Watanyna bolan söýgüsini pugtalandyrmakda, Watan bilen bitewüligini ebedileşdirmekde deňsiz-taýsyz wezipäni ýerine ýetirýär. Türkmen edebiýatynda watansöýüjiligiň beýany barada aýdylanda, beýik akyldar şahyr Magtymguly Pyragynyň setirleri dessine dile gelýär. Onuň eserleri Watany söýmegi, ezizlemegi inçelik bilen öwredýär. Şahyryň: «Neýleý, indi biçäreýem» atly goşgusynda şeýle setirler bar:

15 Awgust 2024

Kitaphanaçylar bäsleşdiler

Türkmenistanyň Medeniýet ministrliginiň garamagyndaky kitaphanalaryň ýaş hünärmenleriniň arasynda akyldar şahyrymyzyň doglan gününiň 300 ýyllygy mynasybetli yglan edilen «Magtymguly Pyragy — şygry paýhas ummany» atly bäsleşigiň Ahal welaýat tapgyry geçirildi. Ak bugdaý etrabynyň Änew şäherindäki Medeniýet öýünde ýokary ruhubelentlikde geçen bäsleşige etraplardan gelen kitaphana hünärmenleri gatnaşdylar. Kärdeşler arkalaşyklarynyň welaýat birleşmesi hem-de welaýat kitaphanasy tarapyndan guralan bäsleşikde kitaphana hünärmenleri Magtymguly Pyragynyň doglan gününiň 300 ýyllygy mynasybetli usuly gollanma taýýarlamakda, akyldar şahyryň şygyrlaryny labyzly okamakda ukyp-başarnygyny görkezdiler. Şeýle hem kitaphanaçylaryň hormatly Prezidentimiziň alyp barýan içeri we daşary syýasatyny wagyz etmek, «Pähim-paýhas ummany Magtymguly Pyragy» ýylynyň şygarynyň ähmiýetini beýan etmek, kitaphana işini açyp görkezmek boýunça teleradioýaýlymlarda, gazet-žurnallarda eden çykyşlaryna seljerme berlip, ýeňijiler kesgitlendi.

15 Awgust 2024

Hoşniýetli hyzmatdaşlygyň hatyrasyna

Berkarar döwletiň täze eýýamynyň Galkynyşy döwründe dostlukly döwletler bilen oňyn hyzmatdaşlygy ýola goýmakda türkmen halkynyň Milli Lideri Gahryman Arkadagymyzyň «Dialog — parahatçylygyň kepili» atly ynsanperwer taglymaty nusgalyk ýörelge bolup durýar. Bu taglymat berkarar döwletimiziň daşary syýasatynyň parahatçylyk, ählumumy ösüş we abadan durmuş babatdaky milli garaýyşlarynyň baş şygarydyr. Ol umumadamzat ähmiýetli ýörelgelere laýyk gelýändigi sebäpli bütin dünýäde uly goldawa eýe bolýar. Bu taglymat hormatly Prezidentimiziň Merkezi Aziýa döwletleriniň Baştutanlarynyň altynjy konsultatiw duşuşygyndaky taryhy çykyşynda hem aýdyň şöhlelendi. Onda: «Biziň halklarymyzyň öz gün tertibi bar we olar parahatçylyk, hoşniýetli goňşuçylyk, dost-doganlyk we hyzmatdaşlykdyr» diýlip, aýratyn nygtalýar. Häzirki wagtda hoşniýetli goňşuçylyk, ygtybarly hyzmatdaşlyk we heňňamyň synagyndan geçen köpasyrlyk dost-doganlyk gatnaşyklary sebit döwletlerini has-da ysnyşdyrýar. Hoşniýetli hyzmatdaşlygyň çäklerinde, esasan hem, goňşy döwletler bilen söwda-senagat, medeniýet we ynsanperwer ugurlar boýunça tagallalary we mümkinçilikleri birleşdirmek babatda netijeli çäreler durmuşa geçirilýär. Bu ugurda Merkezi Aziýanyň doganlyk halklarynyň milli garaýyşlary Milli Liderimiziň başlangyjy bilen öňe sürlen «Dialog — parahatçylygyň kepili» diýen ynsanperwer taglymatyň düýp mazmunyna laýyk gelýär. Hormatl

14 Awgust 2024

Sport — üstünliklere badalga

Ýurdumyzda hormatly Prezidentimiziň baştutanlygynda sportuň, köpçülikleýin bedenterbiýäniň ösdürilmegi babatynda giň gerimli işler durmuşa geçirilýär . Muny zähmet rugsadynda bolýan türkmen halkynyň Milli Lideri Gahryman Arkadagymyzyň Türkmenistanyň Sport ulag merkezine baryp, ol ýerde alnyp barylýan işler bilen ýakyndan gyzyklanmagy hem tassyklaýar. Gahryman Arkadagymyz merkezde sport ulagyna erk edip, çylşyrymly öwrümleri ýerine ýetirdi. Gahryman Arkadagymyz Sport ulag merkeziniň drift meýdançasynda ýene-de bir gezek ulag sürmegiň ussatlygyny görkezdi. Türkmen halkynyň Milli Lideri Gahryman Arkadagymyz Sport ulag merkeziniň binalar toplumyny bu ýerden göçürmek we ony seleň ýerde gurmak bilen baglanyşykly meseleleri hemmetaraplaýyn öwrenmegi hem maslahat berdi. Milli Liderimiziň başyny başlan asylly işleriniň hormatly Prezidentimiziň baştutanlygynda üstünlikli durmuşa geçirilmegi netijesinde, ýurdumyzda awtomobil sporty uly ösüşe eýe boldy. Türgenlerimiziň halkara awtoralli ýaryşlaryna işjeň gatnaşyp, baýrakly orunlary eýelemegi döwlet derejesinde edilýän tagallalaryň aýdyň netijesidir. Şeýlelikde, awtomobil sporty hem sportuň beýleki görnüşleri bilen bir hatarda, giň goldawa eýe bolýar we bu ugurda ýokary netije gazanýan türgenler yzygiderli höweslendirilýär. Bu bolsa Gahryman Arkadagymyzyň tagallalary bilen ösüş ýoluna düşen awtosportuň ýaşlaryň arasynda uly meşhurlyga eýe

14 Awgust 2024

Halk Maslahaty — beýik işlere badalga

Milli demokratiýanyň dabaralanmagy Berkarar döwletiň täze eýýamynyň Galkynyşy döwründe demokratik ýörelgeleriň dabaralanmagy ýurdumyzda hormatly Prezidentimiziň: «Watan diňe halky bilen Watandyr! Döwlet diňe halky bilen döwletdir!» diýen nusgalyk taglymatynyň üstünlikli durmuşa geçirilýändiginiň aýdyň nyşanydyr. Türkmenistanyň Halk Maslahaty hem halkymyzyň we ýurdumyzyň durmuşynda möhüm ähmiýete eýedir.

14 Awgust 2024

Hepdäniň habarlary

Söhbetdeşlik geçirildi Şu hepdäniň sişenbe güni TKA-nyň welaýat birleşmesiniň guramagynda hormatly Prezidentimiziň mähriban atasy, Gahryman Arkadagymyzyň kyblasy, içeri işler edaralarynyň hormatly weterany Mälikguly Berdimuhamedowyň nusgalyk ömür ýoluna bagyşlanyp «tegelek stoluň» başynda söhbetdeşlik geçirildi. «Mälikguly Berdimuhamedowyň ömür ýoly görelde mekdebidir» atly şygar bilen geçirilen söhbetdeşlikde mawy ekran arkaly görkezilen, halkymyzda uly buýsanç döreden taryhy wakanyň ýakymly täsirleri barada özara pikir alşyldy.

14 Awgust 2024

Agzybirligiň dabaralanmasy

Ýakynda Türkmenistanyň Jemgyýetçilik guramalarynyň merkeziniň mejlisler zalynda Türkmenistanyň Demokratik partiýasynyň Aşgabat şäher komitetiniň guramagynda «Türkmenistanyň Halk Maslahaty — milli bitewilik, demokratiýanyň dabaralanmasy» atly wagyz-nesihat duşuşygy geçirildi. Oňa edara-kärhanalaryň, jemgyýetçilik guramalarynyň işgärleri, ýaşulular, şeýle hem Türkmenistanyň Mejlisiniň deputaty gatnaşdy. Ýurdumyzda il sylagly ýaşulularyň, kümüş saçly eneleriň öwüt-ündewleri ömrümize şamçyragdyr. Olar milli däpleri we durmuş paýhasyny nesilden-nesle geçiripdirler. Olara sala salmak we geňeşmek, sarpasyny saklamak ýaly asylly ýörelgelerimiz oňyn netije berýär. «Maslahatly biçilen don gysga bolmaz» diýýän pederlerimiz her bir işde halka geňeşipdirler. Hemmämize mälim bolşy ýaly, şu ýylyň 24-nji sentýabrynda paýtagtymyzdaky Maslahat köşgünde geçiriljek Türkmenistanyň Halk Maslahatynyň nobatdaky mejlisini ýokary derejede geçirmäge uludan taýýarlyk görülýär. «Türkmenistanyň Halk Maslahaty — milli bitewilik, demokratiýanyň dabaralanmasy» atly wagyz-nesihat duşuşygynda çykyş edenler, ýurdumyzyň durmuşynda bolup geçýän özgertmeleriň taryhy ähmiýeti, döwletimiziň barha artýan halkara abraýy, gazanylýan beýik ösüşler dogrusynda giňişleýin gürrüň etdiler, bu beýik işleriň sakasynda duran Gahryman Arkadagymyza, Arkadagly Gahryman Serdarymyza alkyşly sözler aýtdylar.

14 Awgust 2024

Owazy äleme dolan Awaza

Berkarar döwletiň täze eýýamynyňGalkynyşy döwründe halkymyzyň her bir güni toýdur baýramlara, şanly senelere, ykbal özgerdiji pursatlara beslenýär. Munuň özi Gahryman Arkadagymyzyň «Döwlet adam üçindir!», hormatly Prezidentimiziň «Watan diňe halky bilen Watandyr!, Döwlet diňe halky bilen döwletdir!» diýen şygarlarynyň ajaýyp döwrümizde döwrebap many-mazmun bilen baýlaşýandygyna şaýatlyk edýär. Ýurdumyzda raýatlaryň bagtyýar, eşretli durmuşda ýaşamaklary, oňat dynç almaklary üçin ähli şertler döredilýär. Munuň aýdyň mysaly hökmünde gojaman Hazaryň ekologiýa taýdan arassa türkmen kenarynda gurlan «Awaza» milli syýahatçylyk zolagyny mysal getirmek bolar. «Awaza» milli syýahatçylyk zolagy häzirki wagtda syýahatçylaryň, jahankeşdeleriň, ildeşlerimiziň iň bir gelim-gidimli ýerine öwrüldi. Elbetde, Hazar deňziniň kenarynda kemala getirilen şertler türkmenistanlylaryň abadançylygynyň hemmetaraplaýyn üpjün edilmegine gönükdirilen döwlet syýasatynyň guwandyryjy netijesi bolmak bilen, yzygiderli amala aşyrylýan deňsiz-taýsyz özgertmeleriň aýdyň nyşanydyr. Deňzi ekologiýa taýdan goramak, onuň çäklerinde ýaýbaňlandyrylan giň gerimli işleriň barşy döwlet Baştutanymyzyň hemişe üns merkezinde saklanýar. Şunda «Awaza» milli syýahatçylyk zolagy halkara forumlaryň, konferensiýalaryň, duşuşyklaryň, halkara festiwallaryň, sport bäsleşikleriniň, konsertleriň geçirilýän ýerine öwrüldi.

14 Awgust 2024

Hazar — dostlugyň deňzi

12-nji awgustda «Awaza» milli syýahatçylyk zolagynda Hazar deňziniň güni dabaraly bellenildi. Baýramçylygyň çäklerinde ylmy-amaly maslahat, sergi, sportuň dürli görnüşleri boýunça ýaryşlar geçirildi. «Hazar deňzi: durnukly ösüşiň hatyrasyna hyzmatdaşlyk» atly ylmy-amaly maslahat hormatly Prezidentimiz Serdar Berdimuhamedowyň tabşyrygy boýunça Türkmenistanyň Daşky gurşawy goramak ministrligi we Hazar deňzi instituty tarapyndan Daşary işler ministrliginiň goldaw bermeginde «Awaza» milli syýahatçylyk zolagyndaky «Berkarar» myhmanhanasynda guraldy. Myhmanhananyň eýwanynda Hazar deňziniň tebigy gözelliklerini, ýurdumyzyň tebigaty goramak ulgamynda ýeten sepgitlerini görkezýän sergi ýaýbaňlandyryldy. Ýygnananlar hormatly Prezidentimiz Serdar Berdimuhamedowyň «Hazar deňzi: durnukly ösüşiň hatyrasyna hyzmatdaşlyk» atly ylmy-amaly maslahata gatnaşyjylara iberen Gutlagyny uly üns bilen diňlediler. Maslahatyň gün tertibine Hazarýaka ýurtlaryň hyzmatdaşlygynyň ykdysady, durmuş, ekologik meseleleriň birnäçesiniň çözgüdini özünde jemleýän durnukly ösüşi üpjün etmek bilen bagly möhüm meseleleri girizildi. Çykyşlarda degişli ulgamda sebit döwletlerinde, «Hazar ekologiýa maksatnamasy» atly sebit maksatnamasyny durmuşa geçirmegiň çäklerinde alnyp barylýan köptaraply işler giňişleýin beýan edildi. Foruma gatnaşyjylaryň belleýişleri ýaly, Hazarýaka döwletleriň bäşisiniň Hökümetleri tarapyndan tass

14 Awgust 2024

‹
1
2
...
36
37
38
39
40
41
42
...
1303
1304
›