Türkmenmetbugat

"Türkmen dünýäsi" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-45, 38-60-40, 38-60-44
Email: turkmendunyasi@sanly.tm

Gazeti PDF görnüşinde ýükläp almak

Habarlar

Sport — ýaşaýşyň gözelligi

Berkarar döwletimizde sagdyn durmuş ýörelgelerini pugtalandyrmak, sagdyn nesilleri ýetişdirmek, ilaty köpçülikleýin bedenterbiýe-sport hereketine çekmek döwlet syýasatynda möhüm ugurlaryň biri hasaplanylýar. Hormatly Prezidentimiziň: «Ýurdumyzda bedenterbiýe we sporty ösdürmäge raýatlarymyzyň işjeňligini artdyrmaga hem-de saglygyny berkitmäge hemişe üns bereris» diýip belleýşi ýaly, döwletimizde bedenterbiýäniň we sportuň ösen ulgamyny döretmek hem-de kämilleşdirmek babatdaky tagallalaryň netijesinde Türkmenistan köpçülikleýin sportuň ösýän we abraýly halkara sport ýaryşlarynyň geçirilýän mekanyna öwrüldi. Hakykatdan hem, gurlup, ulanylmaga berilýän sport desgalaryny göreniňde, geçirilýän sport çäreleriniň guramaçylyk derejesine üns bereniňde Türkmenistan Watanymyzyň sagdynlygyň ýurdudygyna, sportuň dabaralanýan, bedenterbiýäniň şöhratlanýan mekanydygyna magat göz ýetirýärsiň. Ýurdumyzda bina edilen sport desgalarynda we toplumlarynda yzygiderli sport ýaryşlary geçirilýär. Ýakynda Bäherden etrabynyň sport mekdebinde hormatly Prezidentimiziň köpçülikleýin bedenterbiýäni we sporty ösdürmek baradaky alyp barýan syýasatyny durmuşa geçirmek maksady bilen hem-de 2021-nji ýylyň «Türkmenistan — parahatçylygyň we ynanyşmagyň Watany» diýlip yglan edilmegi mynasybetli sport mekdebiniň türgenleriniň we tälimçileriniň gatnaşmagynda wagyz-nesihat duşuşygy geçirildi. Duşuşykda sport m

19 Mart 2021

Türgenleşikde-de ýaryşda ýaly...

Wagtyň salymy ýok. Mukaddes Garaşsyzlygymyzyň şanly 30 ýyllyk baýramynyň uludan bellenilýän «Türkmenistan — parahatçylygyň we ynanyşmagyň Watany» ýylynyň birinji çärýegi hem tamamlanyp barýar. Bagtyýarlyga, toýdur baýramlara beslenýän günler bizi şanly senelere, şeýle hem iri sport ýaryşlaryna barha ýakynlaşdyrýar. Şu ýylyň altyn güýzüniň 43-nji gününden badalga alyp, 47-nji güni tamamlanjak Welotrek boýunça dünýä çempionatynyň hem türkmen sportunyň şöhratyny dünýä ýaýjak iri ýaryşlaryň biri boljakdygyna ynanýarys. Şu günler Welotrek boýunça milli ýygyndymyzyň türgenleri hem bu ýaryşa ýokary derejede taýýarlyk görýärler. Olar sport ussatlygyna dalaşgär Nargeldi Igdirowyň ýolbaşçylygynda häzirki wagtda Gökdere jülgesindäki «Ýaşlyk» çagalar sagaldyş we dynç alyş merkezinde türgenleşik işlerini alyp barýarlar. Biz ýakynda bu ýerde tälimçi Nargeldi Igdirow bilen gürrüňdeş bolduk. Ol öz işleri barada şeýle gürrüň berdi:

19 Mart 2021

Watanymyz altyn medallaryň öwüşginine beslenýär

Berkarar döwletimiziň bagtyýarlyk döwründe Türkmenistanda dünýä ölçeglerine gabat gelýän döwrebap sport toplumlary we desgalary halkymyza hyzmat edýär. Şolarda ýokary derejedäki iri ýaryşlary geçirmäge hemme mümkinçilik bar. Netijeli türgenleşikleri alyp barmak we türgenleriň ussatlyk derejesini kämilleşdirmek üçin oňyn şertler döredilýär. Şeýlelikde, ýurdumyzyň türgenleriniň dünýäniň sport giňişliklerinde ýokary netijeleri gazanmagy we ata Watanymyzyň sport abraýyny belende götermegi üçin zerur tagallalar edilýär. Bu gün türkmen türgenleri abraýly halkara ýaryşlaryna yzygiderli gatnaşyp, öz ussatlyklaryny görkezýärler we baýrakly orunlary eýeläp, dürli derejeli medallara eýe bolýarlar. Munuň özi hormatly Prezidentimiziň Garaşsyz, baky Bitarap Watanymyzy sport döwletine öwürmek ugrunda edýän ýadawsyz tagallasynyň we oňyn başlangyçlarynyň aýdyň miwesidir. Sagdyn durmuş ýörelgeleriniň işjeň tarapdary mähriban Arkadagymyzyň taýsyz tagallalary netijesinde, eziz Diýarymyzda ýokary netijili sport hereketi giň gerime eýe boldy. Hormatly Prezidentimiziň şahsy göreldesi we oňyn başlangyçlary esasynda ýurdumyzyň ähli ilaty, aýratyn-da, ýaşlar sportuň dürli görnüşleri bilen işjeň meşgullanýar. Milli Liderimiz köpçülikleýin bedenterbiýe-sagaldyş hereketini höweslendirmek bilen bir hatarda, ýokary netijeli sportuň ösdürilmegine, dünýä derejeli türgenleriň we tälimçileriň, beýleki ugurdaş hü

18 Mart 2021

Türkmen sporty halkara hyzmatdaşlygynda

Ýurdumyzda dürli ýaryşlaryň, şol sanda halkara derejesindäki ýaryşlaryň guralmagy we geçirilmegi sport boýunça milli strategiýanyň möhüm ugurlarynyň biri bolup durýar. Türkmenistanyň sport ulgamynda işjeň halkara hyzmatdaşlygy ýola goýmagy döwletimiziň dünýäniň halkara sport ulgamyna netijeli goşulyşmaga ymtylýandygyny aýdyň tassyklaýar. Olimpiýa hereketini, köpçülikleýin bedenterbiýäni we ýokary üstünlikler gazanylýan sporty ösdürmek meselesi Türkmenistanyň döwlet syýasatynyň derejesine çykaryldy. Munuň şeýledigine Olimpiýa oýunlaryna gatnaşýan türgenlerimiziň halkara derejesinde gazanýan üstünlikleri-de mysal bolup durýar. Türgenlerimiziň dürli ýurtlaryň güýçli türgenleri bilen bäsleşikde bütin dünýä möçberindäki şeýle uly ýaryşlara gatnaşmagy türkmen sportunyň gazanan uly üstünligidir. Olimpiýa oýunlary, sportuň, medeniýetiň, halkara hyzmatdaşlygyň üsti bilen parahatçylyk, dostluk hem-de ylalaşyk taglymlaryny durmuşa geçirmegiň özboluşly ädimidir. Ýurdumyzda bedenterbiýe we sport babatdaky iş döwlet tarapyndan goldanylýar, bedenterbiýäni we sporty goldamak we ösdürmek boýunça birnäçe döwlet maksatnamalary hereket edýär. Şu ýylyň 22-nji ýanwarynda ýurdumyzyň Ministrler Kabinetiniň nobatdaky mejlisinde hormatly Prezidentimiziň Karary bilen, “Türkmenistanda 2021—2025-nji ýyllarda bedenterbiýäni we sporty goldamagyň hem-de ösdürmegiň Maksatnamasy”, şeýle-de şu Maksatnamany amal

18 Mart 2021

Milli sportumyzyň abraýy artýar

Bagtyýarlyk döwrümizde türkmen sportunyň abraýy barha belende göterilýär. Hormatly Prezidentimiziň paýtagtymyzdaky Olimpiýa şäherçesinde türkmen türgeni Ýulduz Jumabaýewanyň 2018-nji ýylyň noýabr aýynda Aşgabatda geçirilen Agyr atletika boýunça dünýä çempionatynda eýe bolan ýokary sylagyny — altyn medalyny gowşurmagy mynasybetli guralan dabara hem munuň aýdyň subutnamasy boldy. Milli sportumyzyň taryhyndaky bu şanly waka mynasybetli welaýat sport we ýaşlar syýasaty Baş müdirliginiň guramagynda Balkanabat nebitçilik orta hünär okuw mekdebiniň mejlisler zalynda tälimçileriň, türgenleriň, talyp ýaşlaryň gatnaşmaklarynda maslahat geçirildi. Onda çykyş edenler ýurdumyzda ussat türgenleri ýetişdirýän tälimçilere we öz ýeňişleri bilen eziz Diýarymyzyň sport abraýyny belende galdyrýan türgenlere Gahryman Arkadagymyzyň hemişe uly hormat-sarpa goýýandygyny, Şa serpaýlary bilen sylaglap, tälimçileriň, türgenleriň has netijeli işlemekleri üçin ähli şert-mümkinçilikleri döredýändigini buýsanç bilen nygtadylar. Ý.Jumabaýewanyň hem-de onuň tälimçisiniň eýe bolan sylag-serpaýlarynyň munuň subutnamasydygyny belläp geçdiler. Türkmen sportunyň hak howandary Arkadag Prezidentimiziň janynyň sag, başynyň dik bolmagyny, il-ýurt bähbitli, umumadamzat ähmiýetli işleriniň hemişe rowaç almagyny arzuw etdiler.

17 Mart 2021

Dört ýyldan soň ýene-de çempion

ABŞ-nyň Florida ştatynda golf boýunça geçirilen 48-nji «Players Championship» ýaryşynda amerikaly Jastin Tomas ýeňiş gazandy. 27 ýaşyndaky golfçy 274 utuk bilen birinji ýeri eýeledi. Ol bu ýerde 2017-nji ýyldan soň ikinji gezek çempion bolmagy başardy. Bu çempionlyk onuň 16-njy kubogy bolup, ol 2017-nji ýylda geçirilen «PGA Championship» atly uly bäsleşikde ýeňiş gazanypdy. Ýaryşda Li Westwud 2-nji orna mynasyp boldy. Umumy baýrak gaznasy 15 million dollara deň bolan ýaryşda ýeňijä 2,7 million dollar pul sylagy berildi.

17 Mart 2021

Tälimçiniň ilkinji ýeňşi

«Barselona» toparynyň ozalky ýyldyz futbolçylaryndan Hawi Hernandesiň tälim berýän «Al-Sadd» topary Kataryň çempionaty Ýyldyzlar ligasynda çempion bolmagy başardy. Topar 18-nji tapgyrda «Umm Selal» toparyndan 3:0 hasabynda üstün çykdy. Bu ýeňişden soň, 2-nji ýerdäki «Al-Duhail» topary bilen ara tapawudy ep-esli açmagy başaran «Al-Sadd» Hawiniň tälimçiligindäki ilkinji, umumylykda-da 15-nji çempionlygyny gazandy. 41 ýaşyndaky Hawi Doha şäheriniň wekiline 2015-nji ýylda futbolçy hökmünde transfer bolupdy. 2019-njy ýylyň maýynda-da bu topara tälimçi bellenen Hawi şol döwürde ilkinji gezek çempionatda çempionlyk gazandy. Topar Hawiniň tälimçiliginde Kataryň Kubogyna 2, Kataryň Naýbaşy Kubogyna, Katar Emirliginiň Kubogyna, Kataryň Ýyldyzlar Kubogyna 1 gezek mynasyp boldy.

17 Mart 2021

Türgeniň şowly çykyşy

Darts boýunça Angliýada geçirilen «Açyk» çempionatda ýerli türgen Jeýms Weýd ýeňiş gazandy. Ol çekeleşikli geçen birnäçe duşuşyklardan soň, finalda başga bir iňlis türgeni Lýuk Hamfris bilen duşuşdy. Duşuşykda Jeýms Weýd watandaşy Lýuk Hamfrisi 11:5 hasabynda ýeňip, çempion bolmagy başardy. 37 ýaşyndaky türgen bu ýaryşda 2008-nji we 2011-nji ýyllardan soň 3-nji gezek çempionlyk gazandy. Ol umumy baýrak gaznasy 450 müň funt sterlinge deň bolan ýaryşda 100 müň funt sterling möçberindäki pul baýragy bilen sylaglandy.

17 Mart 2021

Sagdynlygyň sakasy

Hormatly Prezidentimiz Gurbanguly Berdimuhamedowyň nygtaýşy ýaly, döwlet syýasatymyzyň baş maksady jemgyýetde sagdyn durmuş ýörelgelerini wagyz etmekden we sagdyn bedenli, belent ruhly nesilleri kemala getirmekden ybaratdyr. Jemgyýetiň ruhy we fiziki sagdynlygy döwrüň esasy aýratynlygyna öwrüldi. Bagtyýar ýaşamaklygyň esasy şertiniň durmuş sazlaşygyndadygy hemmämize mälimdir. Mähriban halkymyz döwletliligi, agzybirligi, jebisligi halal zähmetde hem-de sagdynlykda görüpdirler. Pederlerimiz «Herekete — bereket» diýlen pähimi hem hut şu maksatlardan ugur alyp döredendir. Hereket sagdynlygyň, gözelligiň, zähmete höwesiň, bagtly ýaşamagyň gönezligidir. Hormatly Arkadagymyzyň: «Belent ruh we ynam sportuň hem-de sagdynlygyň esasy gözbaşydyr. Diňe sagdyn jemgyýetde medeniýet, bilim, ylym ýaly ulgamlar rowaçlyklara beslener» diýip bellemeginiň düýp özeninde bu ugurdaky belent maksatlar göz öňünde tutulýar. Jemgyýetiň iň gymmatly baýlygy bolan adamyň kämil düşünjeli, watansöýüji, halal zähmeti söýýän, dünýäniň iň öňdebaryjy tehnologiýalaryndan baş çykaryp bilýän bolmagy üçin hem sagdyn durmuşyň kemala getirilmegi aýratyn möhüm bolup durýar. Ähli gowulyklaryň we rowaçlyklaryň sakasy saglykda hem-de sagdyn ýörelgelerde jemlenendir. Beden sagdynlygy, ruhy sazlaşyk, gujurlylyk, zyýanly endiklerden daşda durmak, zähmet bilen dynç alşyň berk bitewüligi, sportuň dürli görnüşleri bilen yzygider

17 Mart 2021

Şulting hem-de Liu öňe saýlandy

Niderlandlaryň Dordreht şäherinde şort-trek boýunça Dünýä çempionaty geçirildi. Ýaryşda gowşurylan 10 altyn medalyň 6-syny sportuň bu görnüşiniň öňdebaryjylary hasaplanýan niderlandly türgenler eýelemegi başardy. Zenanlaryň arasyndaky bäsleşikleriň ählisinde altyn medala mynasyp bolan Suzanna Şultingiň ady bar, oňa 500, 1000, 1500 metr ýaryşlarynda taý tapylmady. Ol toparlaýyn 3000 metr bäsleşiginde-de ýygyndysynyň altyn medal gazanmagyna uly goşant goşdy. Şulting zenanlaryň arasynda umumylykda utuk toplamakda hem birinji ýeri eýeledi. 23 ýaşyndaky türgen jemi 5 altyn medaly gazanmagy başardy. Erkekleriň arasyndaky bäsleşiklerde asly Hytaýdan bolan wengriýaly Şaoang Liu 2 altyn medal gazandy. Ol 500 metr ýaryşynda hem-de utuk toplamakda münberiň birinji basgançagyna çykdy. 1000 metr bäsleşiginde Şaoang Liunyň agasy Şandor Şaolin Liu birinji orny eýeledi. 1500 metr bäsleşiginde bolsa Şarl Hamelin ýer eýelerinden Itzhak de Laatdan hem-de russiýaly Semion Ýelistratowdan öňe saýlandy. Toparlaýyn 5000 metr bäsleşikde ýeňiş ýer eýeleri niderlandlylaryň tarapynda boldy.

17 Mart 2021

Tennisiň ussatlary

BAE-niň Dubaý şäherinde tennis boýunça zenanlaryň arasynda «Açyk» çempionat geçirildi. Bir hepdeläp dowam eden ýaryşlarda ispaniýaly Garbinýe Muguruza ýeňiji boldy. Ol finalda çehiýaly Barbora Kreýçikowany 7:6 we 6:3 hasaplar bilen ýeňlişe sezewar etdi. Bu onuň sport ýolundaky 8-nji çempionlygydyr. Muguruza mundan bir hepde ozal Katarda geçirilen «Açyk» çempionatyň finalynda çehiýaly başga bir tennisçi Petra Kwitowadan asgyn gelipdi. Tennis boýunça erkekleriň arasynda Fransiýanyň Marsel şäherinde geçirilen «Açyk» çempionatda russiýaly Daniil Medwedew ýeňiji boldy. Ol finalda fransiýaly Pierr-Ýug Erberi 6:4, 6:7 we 6:4 hasaplar bilen ýeňlişe sezewar etdi. 29-njy gezek geçirilen ýaryşda ilkinji gezek ýeňiş gazanan Medwedew sport ýolundaky 10-njy ATP kubogyny asmana göterdi.

17 Mart 2021

«Laureus» baýraklarynyň dalaşgärleri mälim edildi

Golaýda sport äleminiň abraýly sylaglaryndan «Laureus 2020» bütindünýä sport baýraklarynyň dalaşgärleri mälim edildi. «Laureus» haýyr-sahawat gaznasy tarapyndan guralýan bu baýraklar 2000-nji ýyldan bäri berlip gelinýär. 2020-nji ýylyň iň ökde erkek türgeni diýlen ugurda ýeňil atletikaçylar şwesiýaly Arman Duplantis bilen keniýaly Joşua Çeptegei, britaniýaly meşhur F1 sürüjisi Lýuwis Hamilton, amerikaly basketbolçy LeBron Jeýms, polşaly futbolçy Robert Lewandowski hem-de ispaniýaly tennisçi Rafael Nadal dalaşgär görkezildi. Geçen ýylyň iň ökde zenan türgeni-de gollandiýaly welosipedçi Anna wan der Breggen, italiýaly lyžaçy Federika Brignone, keniýaly ýeňil atletikaçy Brigid Kosgei, ýaponiýaly tennisçi Naomi Osaka, fransiýaly futbolçy Wendi Renar hem-de amerikaly basketbolçy Breanna Stýuwart dagynyň arasyndan saýlanar. Ýylyň topary baýragyna-da Argentinanyň regbi milli ýygyndysy, Germaniýanyň «Bawariýa» futbol kluby, Angliýanyň «Liwerpul» futbol kluby, ABŞ-nyň «Kanzas Siti Çifs» amerikan futboly topary, ABŞ-nyň «Los Anjeles Leýkers» basketbol topary hem-de Germaniýanyň «Mercedes» Formula 1 topary dalaşgärlige hödürlendi. Bulardan başga-da, ýylyň ösüş görkezen türgeni, ýylyň gaýdyp gelşi ýaly baýraklar hem gowşurylar. «Laureus 2020» baýragynyň ýeňijileri maý aýynda onlaýn ýagdaýda geçiriljek dabarada mälim ediler.

17 Mart 2021

Şertnama uzaldyldy

Amerikan futbol ligasy NFL-iň çempiony «Tampa Beý Bukkaneers» toparynyň oýunçysy Tom Brediniň şertnamasyny uzaltdy. 43 ýaşyndaky ýyldyz futbolçy ýene-de bir ýyl, ýagny 2022-nji ýyl üçin möwsümiň ahyryna çenli «Tampa Beý Bukkaneers» toparynda oýnar. «Tampa Beý Bukkaneers» topary Bredini 2020-nji ýylda transfer edipdi. Topar onuň uly goşandy bilen şu möwsümde 18 ýyldan soň, taryhyndaky ikinji çempionlygyny gazandy. Bu Brediniň sport ýolundaky 7-nji çempionlygy boldy. Ol NFL-iň taryhynda iň köp çempionlyk gazanan oýunçy bolup, şol birwagtyň özünde-de 5 gezek «Super Bowl» final duşuşyklarynyň iň ökde oýunçysy diýip saýlanypdy. Bredi iki görkeziji boýunça-da rekordyň eýesidir.

17 Mart 2021

Ýurdumyzyň sazlaşykly ösüşi

Hormatly Prezidentimiziň tagallasy bilen şu ýyl Garaşsyzlygynyň 30 ýyllyk toýuna barýan ata Watanymyzda ýurdumyzyň geljegi bolan, ylymly-bilimli, giň dünýägaraýyşly, beden taýdan sagdyn nesilleri terbiýeläp ýetişdirmek boýunça giň gerimli işler amala aşyrylýar, ýaşlaryň döwrebap bilim almaklary, bedenterbiýedir sport bilen düýpli meşgullanmaklary üçin ähli şertler döredilýär. Milli Liderimiziň ýaşlara sargyt edişi ýaly, sport ynsanyň häsiýetini, maksada okgunlylygyny, çydamlylygyny, mertligini hem-de durnuklylygyny terbiýelemegiň ajaýyp serişdesidir. Sport bilen yzygiderli meşgullanmak adamda özüne ynam, merdemlik, çakganlyk, başarnyk, ruhubelentlik we beýlekileriň ýeňşine guwanmak häsiýetlerini terbiýeleýär. Şu ajaýyp häsiýetleri özünde terbiýelän adam uly hormata mynasypdyr. Berkarar döwletimizde sagdyn durmuş ýörelgelerini, bedenterbiýäni, sporty we olimpiýa hereketini işjeňleşdirmek boýunça uly üstünlikler gazanylýar. Ýurdumyzyň ähli künjeklerinde döwrebap sport desgalary, iň häzirki zaman enjamlar bilen üpjün edilen stadionlar, sport mekdepleri, atçylyk sport toplumlary, sport meýdançalary guruldy. Aşgabat şäherinde sebitde deňi-taýy bolmadyk Olimpiýa şäherçesi, Golf sport toplumy bina edildi, döwrebap sport düzümleri döredildi.

17 Mart 2021

Bäsleşikler jemlenildi

Lyžaly typmak boýunça (nordic sky) Germaniýanyň Oberstdorf şäherinde geçirilen 42-nji Dünýä çempionaty tamamlandy. Çempionatda norwegiýaly lyžaçylar ýokary netije görkezdiler. Olar 24 altyn medalyň 13-sini gazanmagy başardylar. Lyžaly ýaryşlaryň nusgawy sprint görnüşinde erkekleriň arasynda Ýohannes Hýosflot Klebo, toparlaýyn nusgawy sprintde ýene-de Ýohannes Hýosflot Klebo bilen Erik Walnes ýeňiş gazandy. 30 kilometr nusgawy skiatlon bäsleşiginde russiýaly Aleksandr Bolşunow, 15 kilometr ýekeleýin ýaryşynda-da Hans Krister Holunn çempion boldy. 50 kilometr nusgawy mass-start bäsleşiginde-de norwegiýaly Emil Iwersen hemmeden öňürti pellehana geldi. Zenanlaryň arasynda-da norwegiýalylar öňe saýlanyp, olar 6 sany altyn medalyň 4-sini gazandylar. Beýleki 2 altyn medaly bolsa olaryň goňşusy şwedler eýelemegi başardy. Tereza Ýohaug 15 kilometr nusgawy skiatlon, 10 kilometr ýekeleýin hem-de 30 kilometr nusgawy mass-start ýaryşlarynda münberiň çür depesine çykdy. Nusgawy sprint görnüşde şwesiýaly Ýonna Sundling öňe saýlandy. Ol toparlaýyn nusgawy sprint ýaryşynda Maýa Dalkwist bilen bilelikde çempion boldy. 4x5 kilometr nusgawy estafeta bäsleşiginde norwegiýaly lyžaçylar russiýaly hem-de finlýandiýaly lyžaçylardan tapawutlanmagy başardy.

17 Mart 2021

Türkmen sportunyň parlak ýyldyzy

Häzirki wagtda Garaşsyz, hemişelik Bitarap Türkmenistan Watanymyzyň dünýä jemgyýetçiligi tarapyndan sport döwleti diýlip ykrar edilmegi hormatly Prezidentimiziň döwlet başyna geçen ilkinji günlerinden ýurdumyzda sagdyn durmuş ýörelgesini rowaçlandyrmak, köpçülikleýin bedenterbiýäni we ýokary netijeli sporty ösdürmek babatda badalga beren başlangyçlarynyň, ägirt uly özgertmeleriniň aýdyň netijesi bolup dabaralanýar. Berkarar döwletimiziň bagtyýarlyk döwrüniň sagdynlygyň, ruhubelentligiň, sportuň zamanasy hökmünde kalplarda egsilmez buýsanja beslenmeginiň gözbaşynda-da hut şol hakykat durýar. Gahryman Arkadagymyzyň taýsyz tagallasy bilen sanlyja ýylyň içinde Diýarymyzyň çar künjeginde iň döwrebap sport desgalarynyň gurlup, ulanylmaga berilmegi, olarda türgenleriň öz höwes edýän sport görnüşleri bilen meşgullanmaklary, halkara derejesinde ýaryşlaryň geçirilmegi üçin ähli şert-mümkinçilikleriň döredilmegi döwlet Baştutanymyzyň sport syýasatynyň rowaçlyklara beslenýändiginiň aýdyň subutnamalarydyr. Paýtagtymyz Aşgabadyň Olimpiýa şäherçesi bolsa Arkadag Prezidentimiziň paýhasy bilen dörän şeýle sport desgalarynyň naýbaşysy bolup durýar. Şol wagt 2018-nji ýylyň noýabr aýydy. Dünýäniň ünsi türkmen paýtagtyna gönügip, iri sport ýaryşlaryny ýokary derejede geçirmekde nusgalyk şähere öwrülen Aşgabadyň Olimpiýa şäherçesinde Agyr atletika boýunça dünýä çempionaty dowam edýärdi. Merkezi gaze

15 Mart 2021

Dünýä rekordyny täzelän Ýulduz

Üstünliklere ýetmek, ýeňiş gazanmak her bir adamyň kämillik basgançagynda esasy orny eýeleýär. Başarjaňlyk, yhlaslylyk, zähmetsöýerlik bilen gazanylýan uly ýeňişler, üstünlikler bolsa, ynsan ömürlerini nurlandyrýar. Ol nuruň ýalkymy ýatdan çykmajak bagtly pursatlary bagyşlap, göwünleri ganatlandyrýar. Ýulduzyň mährem käbesi, kyblasy ene toprakdan bagtyny, rysgyny tapan kärendeçiler. Mele topraga bagry badaşan şeýle maşgaladan bolan sadaja oba gyzynyň megerem, geljekde dünýä çempiony bolar diýip, hiç kim güman hem eden däldir. Ýöne, Ýulduzyň dünýä rekordyny täzeläp, çempion bolmak arzuwy durmuş hakykatyna öwrüldi. Bu başgaça bolup hem bilmezdi. Sebäbi, geçmişde Harmandäli ýaly pälwan gyzlary bolan bu topragyň suwundan ganyp, behişdi miwelerinden iýip, jana tenekar howasyndan dem alyp, ese-boýa galan perzentleri Watanyň adyny belende göteräýmeli hem.

14 Mart 2021

Ýurdumyzyň halkara sport üstünligi

Hormatly Prezidentimiz dünýä çempionyny sarpalamak dabarasyna gatnaşdy 10-njy martda döwlet Baştutanymyz, Milli Olimpiýa komitetiniň Prezidenti paýtagtymyzdaky Olimpiýa şäherçesine geldi. Hormatly Prezidentimiz bu ýerde türkmen türgeni Ýulduz Jumabaýewanyň 2018-nji ýylyň noýabr aýynda Aşgabatda geçirilen Agyr atletika boýunça dünýä çempionatynda eýe bolan ýokary sylagyny gowşurmak mynasybetli guralan dabara gatnaşdy.

12 Mart 2021

Watanyň şany — dünýäniň çempiony!

Menzillere ulaşan ilkinji ädimler Mukaddes Garaşsyzlygymyzyň 30-njy baharynyň ilkinji aýynyň 10-njy güni türkmen sportunyň taryhynda aýratyn uly waka boldy. Ozal hem habar berlişi ýaly, şol gün milli Liderimiz 2018-nji ýylda Agyr atletika boýunça Aşgabatda geçirilen dünýä çempionatynyň altyn medallarynyň eýesi Ýulduz Jumabaýewa mynasyp bolan medallaryny, Türkmenistanyň «Watana bolan söýgüsi üçin» medalyny we Şa serpaýyny ― ýeňil awtoulagy gowşurdy. Paýtagtymyzdaky Olimpiýa şäherçesinde bu ýakymly wakanyň dowam edýän pursatlarynda dünýä çempionynyň ilkinji tälimçisi, Gurbansoltan eje adyndaky etrabyň 1-nji sport mekdebiniň agyr atletika boýunça tälimçisi Zeripbaý Kerimbaýew bilen söhbetdeş bolduk.

12 Mart 2021

Täze üstünliklere badalga

Hormatly Prezidentimiziň 10-njy martda Olimpiýa şäherçesine gelip, dünýä çempiony Ýulduz Jumabaýewany gutlamagy başarjaň ýaşlarymyzy hemişe goldaýandygynyň ýene bir mysalydyr. Şol bir wagtyň özünde-de bu waka Watanyň şanyna şan goşýan her bir ynsanyň sarpalanýandygyny görkezýär. Milli Liderimiziň gol çeken resminamalary bilen, dünýä çempionynyň tälimçisi hökmünde «Türkmenistanyň Watana bolan söýgüsi üçin» medaly bilen sylaglanmagym we üç otagly, ähli amatlyklary bolan döwrebap ýaşaýyş jaýynyň sowgat berilmegi depämi göge ýetirdi. Halkara ýaryşlarda mynasyp çykyş edip biljek türgenleri taýýarlamak tälimçi hökmünde biziň borjumyz. Hormatly Prezidentimiziň çekýän zähmetimize beren ýokary bahasy tutuş sport jemgyýetçiligini begendirdi. Maşgalamyzyň bolsa hormatly Prezidentimize alkyşy bimöçberdir.

12 Mart 2021

‹
1
2
...
375
376
377
378
379
380
381
...
385
386
›