Ýurdumyzyň milli futbol çempionatynyň 22-nji tapgyrynda paýtagtymyzda «Altyn Asyr» bilen duşuşan Balkanabadyň «Nebitçi» topary uly hasapda ýeňildi. Aşgabatlylaryň gollaryny 21-nji minutda Serdar Annaorazow, 33-nji minutda Selim Nurmyradow, 49-njy minutda Söhbet Durdyýew, 83-nji, 87-nji minutlarda Mihail Titow derwezä girizdiler.
Aşgabadyň «Köpetdagyny» kabul eden Türkmenbaşy şäheriniň «Şagadamy», kynlyk bilenem bolsa, ýeňiş gazanmagy başardy. Myhmanlaryň derwezesinden ýeke-täk pökgini 50-nji minutda 11 metrlik jerime urgusyndan Mekan Aşyrow geçirdi.
