Düýn Türkmenistanyň söwda-senagat edarasynyň binasynda ýurdumyzyň söwda toplumynyň sergisi öz işine başlady. Ýurdumyzda öndürilýän her bir harydyň, önümiň hil taýdan ýokary derejededigi guwandyryjy hakykatdyr. Şoňa görä-de, türkmen önümleri dünýä bazarynda bäsdeşlige ukyply, islegli önümler bolup durýar.
Ykdysady üstünliklerimizi, söwda gatnaşyklarynyň netijesinde gazanylan sepgitleri açyp görkezýän we örän guramaçylykly geçirilýän sergide işewürler özara tejribe alyşmaga, utgaşykly işleri alyp barmaga, bilelikdäki gatnaşyklary ýola goýmaga uly mümkinçilikleri aldylar.
