Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 3-si hasaba alyndy. Daşary ýurt walýutasyna Gyrgyz Respublikasyndan we Türkiýeden gelen telekeçiler Dokma senagaty ministrliginiň dokma toplumlarynda öndürilen dürli görnüşli dokma önümleri we nah ýüplügi satyn aldylar. Geleşikleriň jemi bahasy ABŞ-nyň 2 million 883 müň 475 dollaryndan gowrak boldy.
Manat serişdesine Hindistandan gelen işewürler Dokma senagaty ministrliginiň dokma toplumlarynda öndürilen, jemi bahasy 1 million 684 müň manatlyk nah ýüplügini satyn aldylar.
