Ekologiýa syýasaty hakynda oýlanmalar
Bu ýazgylaryň Türkmenistanyň Ministrler Kabinetiniň Başlygynyň orunbasary Serdar Berdimuhamedowyň ýolbaşçylygyndaky türkmen wekiliýetiniň geçen ýyl Beýik Britaniýanyň Glazgo şäherinde BMG-niň Howanyň üýtgemegi boýunça geçirilen maslahatyna gatnaşandan soň dörändigini aýdasym gelýär. Şonda howanyň üýtgemegi, onuň ýaramaz täsirlerini azaltmak bilen bagly meselelerde Türkmenistanyň dünýä jemgyýetçiligine gönükdirilen birnäçe anyk teklipleridir başlangyçlary beýan edildi.