Bäherden etrabynyň «Garry Nohur» daýhan birleşiginde «3-Damja» birleşiginiň kärendeçileri 16 ýyldan gowrak bäri bölünip berlen ýerde zähmet çekip, ilaty ekologiýa taýdan arassa we sagdyn önüm bilen üpjün edýärler. Olar hiç hili himiki dökün ulanmazdan, malina, smorodina, çereşnýa, badam, erik we igde ösdürip ýetişdirýärler.
«3-Damja» birleşiginiň kärendeçileri öz işinde sanly tehnologiýalary ornaşdyryp, diňe bir ekerançylyk ýerleriniň hasyllylygyny ýokarlandyrman, eýsem, tejribelerini başga kärendeçiler bilen paýlaşýarlar. Olar 3-damja.com saýty arkaly daýhançylyga täze başlan ildeşlerimize howa şertlerine, topragyň we suwuň häsiýetlerine görä, suwarmagyň usullaryny we ýollaryny kesgitlemäge kömek edýärler, ekinler, seleksiýalar babatynda maslahat berýärler.
