Ýakynda polkownik Amangeldi Berdiýewiň ýolbaşçylyk edýän garnizonynda harby bölümleriň serkerdeleri bilen maslahat guraldy. Maslahatda harby gullukçylaryň watançylyk terbiýesini ýokarlandyrmak, terbiýeçilik ulgamynda geçirilýän işleriň hilini has-da kämilleşdirmek nukdaýnazaryndan hem-de şahsy düzümi belent watançylyk ruhunda terbiýelemek maksady bilen, nusgawy we häzirki zaman şahyrlarymyzyň watançylyk goşgulary boýunça çeper okaýyş agşamlaryny, şeýle-de hormatly Prezidentimiziň «Watan goragy mukaddesdir», «Mertler Watany beýgeldýär», «Mert ýigitler gaýrat üçin dogulýar» atly kitaplaryndaky öwüt-nesihatlaryň, çuňňur pentleriň, watançylyk sargytlaryň many-mazmunyny beýan edýän wagyz-nesihat duşuşyklaryny geçirmek serkerdelere tabşyryldy. Oňa gatnaşanlar ýurt asudalygy üçin bimöçber tagallalary edýän hormatly Belent Serkerdebaşymyzyň janynyň sag, belent başynyň aman, il-ýurt bähbitli, umumadamzat ähmiýetli işleriniň elmydama rowaç bolmagyny arzuw etdiler.
Begenç ROZYPÄLWANOW,
kapitan.