Siz Şamçyrag dünýä ýalkym, gül Watan bagtyň keşbinde,
Ylham joşy tolkun-tolkun, seslenýär Watan yşkynda,
Howandary Siz il-halkyň, göwünler gülleň müşkünde,
Her ýürekde, her ykbalda, her kasamda Siz, Arkadag,
Sarpaňyz dünýä ykrarda, giň jahanda Siz, Arkadag!
Gül Watan sarsmaz kuwwatly, pederleň ýaşan topragy,
Geljege gadamlar batly, ýaňlanýar hüwdi sesleri,
Ýaşaýas gujur-gaýratly, päk asmanda ak kepderi,
Keşbiňiz roýy-ruhsarda, gül mekanda Siz, Arkadag,
Sarpaňyz dünýä ykrarda, giň jahanda Siz, Arkadag!
