Türkmen halkynyň we bütin Gündogaryň beýik akyldary Magtymguly Pyragynyň döredijiligi her bir ynsanyň teşne kalbyny gandyryp, aram berýär. Milli mirasymyzyň we medeniýetimiziň howandary hormatly Prezidentimiz: «Magtymguly Pyragy ylmyň, edebiýatyň, dünýä medeniýetiniň özünden öňki gazananlaryny akyl eleginden geçirip, dürdäne eserleri döretdi. Beýik şahyr türkmen şygryýetiniň we türkmen diliniň taryhynda uly özgerişlikleriň başyny başlady. Onuň umumadamzat medeni-ruhy hazynasyna giren şygyrlary bu gün dünýä dilleriniň köpüsinde ýaňlanýar. Magtymguly Pyragynyň danalyga pürepür şahyrana eserleri türkmeni, türkmen poeziýasyny dünýä tanatdy» diýip nygtaýar. Beýik akyldaryň pähim-paýhasa ýugrulan şygyrlarynyň Atlantik ummanynyň kenarlaryndan başlap, tä Uzak Gündogara çenli aralykda ýaşaýan halklaryň ençemesiniň dillerine terjime edilmegi hem-de giň okyjylar köpçüliginiň söýgüsini gazanmagy Gahryman Arkadagymyzyň aýdan bu sözlerini tutuş aýdyňlygy bilen tassyklaýar. Bizem ýurdumyzda uly dabaralara beslenýän Medeniýet we sungat işgärleriniň hem-de Magtymguly Pyragynyň şygryýet gününiň öňüsyrasynda dürli ýurtlarda akyldar şahyryň döredijiligini içgin öwrenen alymdyr terjimeçiler baradaky maglumatlary, şeýle hem olaryň terjime eden şygyrlaryny öz dillerinde okyjylarymyza ýetirýäris.
Arseniý TARKOWSKIÝ
