Durmuş — bu ýaşalan günlerden däl-de, ýatda galan ýakymly pursatlardan ybarat bolmaly. Käbir halatlarda göwnüňe jaý bolmaýan ýagdaýlar hem bolýar. Olary ýatda saklasak, geljekde bu ýalňyşlyklar ikilenç büdretmez. Biz diňe öz goýberen hatalarymyzdan däl-de, özgeleriň goýberen ýalňyşlyklaryndan netije çykarmagy başarmaly.
Durmuş şeýle bir gysga. Adam berlen wagty tygşytly, netijeli ulanmaly. Ýitirilen wagt yzyna gaýdyp berilmeýär. Şu ýerde hytaý halkynyň pähimlerini ýatladasym gelýär: «Eşideniňden göreniň ýagşy, göreniňden — bileniň, bileniňden — döredeniň». Ine, şonda, üstünligiň bir göteriminiň şowlulyga, galan 99 göteriminiň çekýän zähmetiňe baglydygyna düşünersiň.
