Aşgabat şäheriniň esaslandyrylmagynyň 140 ýyllyk baýramynyň uludan toýlanan günlerinde Türkmenistanyň Telewideniýe, radiogepleşikler we kinematografiýa baradaky döwlet komitetiniň Oguz han adyndaky «Türkmenfilm» birleşigi tarapyndan yglan edilen «Aşgabat bahary» atly kinofestiwalyna «Dost-doganlyk serhedi» harby gepleşiginiň döredijilik topary hem «Bagt şäheri» atly gysga göwrümli täze çeper filmi bilen gatnaşdy. Döredijilik topary bu filmi üçin Hormat haty bilen sylaglandy.
Şeýle-de «Aşgabat» teleýaýlymy tarapyndan yglan edilen «Ak şäherim Aşgabat» atly gysga metražly wideorolikleriň bäsleşigine hem Serhet gullugymyzyň «Dost-doganlyk serhedi» harby gepleşiginiň döredijilik toparynyň harby gullukçysy, kapitan Hekim Durdyýew hem paýtagtymyzy wasp edýän ajaýyp wideorolikleri bilen gatnaşyp, baýrakly 3-nji orna mynasyp boldy.
