Ak bagtyň şäheri
Açyk göwünli, sahawatly ilde ýaşaýyş gülleýär, sözüne ygrarly, dostuna wepaly ile ýakyn-u-alysdan dostlukly gollar uzaýar, ynsanlar mähir hem söýgi, gülleýiş hem sahawatlylyk hakynda söhbetleşýär, ýürekler birigip, bagt mukamyna hiňlenýär. Alnymyzdaky ak günleriň nyşany bolan paýtagtymyz hem milli Liderimiziň saýasynda parahatçylyk hem ynanyşmak atly beýik ýörelgeleriň güzer edinen ýerine öwrüldi. Biz muňa 25-nji maýda Aşgabat şäheriniň esaslandyrylmagynyň 140 ýyllygy hem okuw ýylynyň tamamlanmagy mynasybetli «Aşgabat» aýdym-saz merkezinde geçirilen «Ak şäherim Aşgabat» atly baýramçylyk konsertiniň dowamynda hem aýdyň göz ýetirdik.
