7-nji martda ýurdumyzda giňden bellenilýän Halkara zenanlar gününiň öň ýanynda Döwlet medeniýet merkeziniň Mukamlar köşgünde mähriban enelerimiziň, gelin-gyzlarymyzyň hormatyna konsert guraldy.
Baýramçylyk konserti «Ýürek mydam mähribanlyk küýseýär» diýen at bilen taýýarlanan edebi, aýdym-sazly kompozisiýa bilen başlandy. Aýdymçylar, teatrlaryň artistleri, tansçylar, çagalar toparlary kompozisiýanyň çägindäki çykyşlary bilen, ajaýyp zamanamyzyň waspyny ýetirdiler.
