Geçmişimize buýsanç, geljegimize güwäm,
Sözden gurlan ymarat, mäkäm dowamat-dowam,
Ýagşy doga-dilegler daňdan säherde sabam
Beýikleriň beýigi şygryýet şamçyragy,
Pähim-paýhas ummany Magtymguly Pyragy.
Islegleri wysaldyr aklyklaryň astynda,
Owazasy belentdir Goja Zemin üstünde,
Halallyklar ýatandyr ata-baba kesbinde,
Beýikleriň beýigi şygryýet şamçyragy,
Pähim-paýhas ummany Magtymguly Pyragy.
