Bäherden etrap bedenterbiýe we sport bölümi bilen etrap bilim bölüminiň bilelikde guramagynda etrabyň A.Atdanow adyndaky 1-nji orta mekdebinde woleýbol ýaryşy geçirildi. Şanly Garaşsyzlygymyzyň 33 ýyllyk baýramyna bagyşlanan ýaryşa mekdep okuwçylary gatnaşyp, özara bäsleşdiler.
Etrapdaky orta mekdeplerden gelen toparlar ýeňiş gazanmak ugrunda başarnyklaryny görkezdiler. Gyzykly geçen duşuşyklaryň netijesinde 1-nji orta mekdebiň topary birinji, 30-njy orta mekdebiň topary ikinji, 28-nji orta mekdebiň topary üçünji orna mynasyp boldy. Ýaryşda ýeňiş gazanan toparlara etrap bilim bölüminiň hormat hatlary gowşuryldy.
