Dänew etrabynyň Maý geňeşliginde ýerleşýän «Bereketli jaý» hususy kärhanasynda iri şahly mallar, guşlar idedilip, olardan bol önüm alynýar.
Kärhananyň maldarçylyk fermasynda daşary ýurtlardan getirilen «Golştin» görnüşli sygyrlaryň 200-e golaýy, ýerli sygyrlaryň hem 100-den gowragy idedilýär. Bu ýerde häzirki wagtda sagym sygyrlardan her günde 1 tonnadan gowrak süýt alynýar. Sagym işleri doly awtomatlaşdyrylan usulda amala aşyrylýar.
