Ahal welaýatynyň gallaçylarynyň bugdaý taýýarlamakda gazanan zähmet üstünliginde Gökdepe etrabymyzyň gallaçylarynyň saldamly goşandygynyň bolmagy bizi diýseň begendirýär. Etrabymyzyň gallaçylary ak bugdaýyň 20 müň 100 tonnadan gowragyny Watan harmanyna tabşyrdylar.
“Pähim-paýhas ummany Magtymguly Pyragy” ýylynyň ajaýyp günlerinde etrabymyzyň gallaçylarynyň arzyly pellehana ilkinjileriň hatarynda gelmeginde «Yzgant», «Ýandaklyagyz», «Gökdepe», «Ahal» daýhan birleşikleriniň zähmetkeşleriniň paýy uludyr. Bu hojalyklar oragyň ilkinji günlerinde tabşyryklaryny berjaý etdiler.
