Soňky ýyllarda adamlaryň aglaba bölegi sport bilen meşgullanmaga uly üns berip, sagdyn durmuş ýörelgesine eýerýär. Öýde, açyk howada, türgenleşik meýdançalarynda, sport zallarynda, umuman islendik ýerde sport bilen meşgullanmak özüňi fiziki we ruhy taýdan has gujurly duýmaga mümkinçilik berýär. Dünýäde her möwsüm sport bilen türgenleşmegiň täze modasy döredilýär. Moda türgenleşik görnüşlerini we usullary özünde jemleýän hereketlerden düzülýär. Bu ýyl sport türgenleşiklerinde näme moda? Geliň, fitnes tälimçileriniň hödürleýän täze türgenleşik usullary bilen tanyş bolalyň!
Sport enjamlarynyň we sport bilen meşgullanmagyň dürli görnüşleridir usullarynyň bardygyna garamazdan, ýylyň-ýylyna ýene-de täze usullar ýüze çykýar. Hatda ol usullar ýylyň sport modasyna öwrülýär. Şu ýyl diwar pilatesleri (hereket ulgamynyň, dem almagyň we deňagramlylygyň utgaşmasy) ýylyň sport modasy bolup, biz muny «diwar maşklary» diýip hem alyp bileris. Bu maşklar sport enjamlary ulanylmazdan ýerine ýetirilip, esasan, diwardan peýdalanylýar. Bedeniň çydamlylygyny güýçlendirýän diwar maşklary öýde ýerine ýetirmek üçin amatly hasaplanýar.