Ýaňy-ýakynda maýor Muhammet Şalykowyň serkerdelik edýän harby bölüminde garawul gullugyny alyp barmakda gulluk borçlaryny ak ýürekden ýerine ýetiren çagyryş boýunça harby gullukçylary sylaglamak dabarasy geçirildi. Dabarada garawul gullugyny gujurly alyp baran, ýurdumyzyň goranmak ukybyny pugtalandyrmaga şahsy goşantlaryny goşan, ýokary söweşjeň taýýarlygy bilen aýratyn tapawutlanan we öz üstüne ýüklenen wezipe borçlaryny birkemsiz berjaý eden seržant Merdan Akmuhammedow, kiçi seržantlar Begenç Baýramgeldiýew, Agamyrat Mämmedow, Babahan Akmuhammedow, esgerler Umyt Durdyýew, Batyr Annaberdiýew, Arslan Aşyrlyýew daga harby bölümiň serkerdesiniň adyndan Hormat hatlary we TMÝG-niň etrap geňeşiniň ýadygärlik sowgatlary dabaraly ýagdaýda gowşuryldy.
Baýram ITALMAZOW,
podpolkownik.
