Ak bugdaý etrabynyň sport mekdebinde 8, 10, 12 ýaşa çenli oglan-gyzlaryň arasynda küşt boýunça welaýatyň birinjiligi geçirildi. Ýaryşy welaýatyň bedenterbiýe we sport baradaky Baş müdirligi hem-de Türkmenistanyň Gyzyl Ýarymaý Milli jemgyýetiniň welaýat bölümi bilelikde gurady.
Küşt boýunça welaýatyň birinjiligine sport mekdeplerine gatnaýan oglan-gyzlar gatnaşdy. Her ýaş toparynda aýratynlykda geçen ýaryş ýaş küştçi oglan-gyzlara ukyp-başarnygyny görkezmäge mümkinçilik berdi. Gyzykly duşuşyklary bilen tapawutlanan ýaryşyň ýeňijilerine ýörite sowgatlar gowşuryldy.
