Ýiti respirator keselinden goranalyň!
Möwsümleýin ýiti respirator keseli howanyň sowamagy bilen ýüze çykýar. Halk köpçüliginde bu kesel “sowuklama” diýlip atlandyrylýar. Burnuň akmagy ýa-da dykylmagy, bokurdak agyrysynyň peýda bolmagy, sesiň gyrylmagy, üsgülewük, bedeniň gyzgynynyň ýokarlanmagy, kelle agyrysy, umumy ysgynsyzlyk, myşsalaryň we bogunlaryň agyrmagy, kä halatlarda näsagyň birki gezek içiniň geçmegi keseliň esasy alamatlarydyr. Şeýle alamatlar ýüze çykanda özbaşdak bejergi geçirmäň, antibiotikleri we beýleki derman serişdelerini lukmanyň maslahatyny almazdan, özbaşdak ulanmaň!
