Eziz Diýarymyzda sport desgalarydyr mekdepleriniň, şeýle hem stadionlaryň gurlup ulanylmaga berilmegi netijesinde Türkmenistanda sport bilen meşgullanýanlaryň sany has-da artdy hem-de onuň jemgyýetdäki orny aýratyn ähmiýete eýe boldy.
Türkmenistanyň Bedenterbiýe we sport baradaky döwlet komiteti tarapyndan ýokary okuw mekdeplerinde okaýan talyp oglan-gyzlaryň arasynda Uniwersiadalaryň, şeýle hem Türkmenistanyň hünär-tehniki we orta hünär okuw mekdepleriniň talyplarynyň arasynda «Türkmenistan — ruhubelentligiň we sagdynlygyň ýurdy» atly Spartakiadalaryň guralmagy talyp ýaşlaryň arasynda sporta bolan höwesi has-da artdyrýar.
