Paýtagtymyzda Kuraş boýunça dünýä çempionatyny geçirmäge taýýarlyk görülýän günlerde Meksikadan hem hoş habar gelip gowuşdy. Dostlukly döwletiň Gwadalahara şäherinde geçirilen agyr atletika boýunça ýaşlaryň arasyndaky dünýä çempionatynda türkmen türgenleri 9 medal gazandylar. Olaryň 2-si bolsa altyn medaldyr.
Bu medallaryň altysyny Türkmen döwlet bedenterbiýe we sport institutynyň talyplary Gaýgysyz Töräýew bilen Şahzadbek Matýakubow, üçüsini bolsa paýtagtymyzdaky «Olimp» orta sport mekdebiniň okuwçysy Änamjan Rustamowa gazandy.
