Türkmenistanyň Kuraş boýunça milli ýygyndy topary ýurdumyzda geçirilýän dünýä çempionatyna ýokary derejede taýýarlykly geldi. Ozal habar berşimiz ýaly, türgenlerimiz we tälimçilerimiz düýn Arkadag şäherindäki okuw-türgenleşik ýygnanyşyklaryny tamamlap, paýtagtymyzdaky «Türgenler» myhmanhanasyna ýerleşdi. Şu gün — 23-nji noýabrda myhmanhananyň mejlisler zalynda ýaşuly nesliň wekilleri milli ýygyndy toparymyzyň türgenleri bilen duşuşyp, olara ak pata berdi.