Gökdepe etrabynyň T.Baýramdurdyýew adyndaky geňeşlikdäki sport mekdebinde geçirilen küşt ýaryşyna oba ýetginjekleri gatnaşdy. Arkadag Serdarly bagtyýar ýaşlar ýylyna bagyşlanan ýaryşyň esasy maksady ýaşlary sport-sagaldyş hereketlerine, köpçülikleýin bedenterbiýä giňden çekmekden, sport ussatlygyny ýokarlandyrmakdan we höweslendirmekden ybarat boldy.
Küşt ýaryşyna gatnaşanlar özaralarynda gyzykly duşuşyklary alyp bardylar. Sporta bolan höwes we hyjuw ýaryşyň netijeligine oňyn täsirini ýetirdi. Uly gyzyklanma döreden küşt ýaryşynda 7-nji orta mekdebiň 8-nji synp okuwçysy Merjen Saparowa garşydaşlaryndan üstün çykyp, ýeňiji boldy.
