23 — 28-nji noýabr aralygynda ak şäherimiz Aşgabat ýene bir sport baýramçylygyny — Kuraş boýunça 14-nji dünýä çempionatyny kabul eder. Ýaryşa gatnaşmak üçin 53 döwletden 491 myhmanyň gelmegine garaşylýar. Olaryň agramly bölegi türgenlerdir. Çempionatda medallaryň 60-sy üçin göreşiler.
Dünýä çempionaty agram derejeleriniň 15-si boýunça — 7-si erkekleriň, 8-si bolsa zenanlaryň arasynda geçiriler. Has takygy, erkekleriň arasynda 60, 66, 73, 81, 90 we 100 kilograma çenli hem-de 100 kilogramdan ýokary; zenanlaryň arasynda 48, 52, 57, 63, 70, 78 we 87 kilograma çenli we 87 kilogramdan ýokary agram derejelerinde bäsleşikler guralar.
