Ispaniýanyň çempionatynda sanawyň lideri üýtgäp, «Osasunany» 4–2 hasabynda ýeňen «Žirona» 1-nji orna geçdi. Öz meýdançasynda «Raýo Wallekano» bilen golsuz deňme-deň oýnan «Real Madridiň» utuk ýitiren tapgyrynda «Barselona» myhmançylykda «Real Sosiedady» Arauhonyň 90+3-nji minutdaky goly ýeňdi (1–0). «Atletiko Madrid» hem tapgyry utuksyz tamamlap, Simeoneniň şägirtleri myhmançylykda «Las Palmasdan» 2–1 hasabynda ýeňildi.
Italiýanyň çempionatynda «Inter» myhmançylykda «Atalantany» 2–1 hasabynda ýeňdi. «Ýuwentus» bolsa «Fiorentinany» Mirettiniň ýeke-täk goly bilen 1–0 hasabynda ýeňlişe sezewar etdi. Soňky çempion «Napoli» myhmançylykda «Salernitanany» 2–0 hasabynda ýeňen tapgyrynda «Milan» öz meýdançasynda şu möwsümde ýeňşi bolmadyk «Udinezeden» iň kiçi hasap bilen asgyn geldi. «Roma» öz meýdançasynda Azmun hem-de Lukakunyň 90-njy minutdan soň geçiren gollary bilen «Leççeni» 2–1 hasabynda utdy.