Germaniýanyň çempionatynda «Der Klassiker» derbisinde — «Bawariýa» myhmançylykda «Borussiýa Dortmundy» 4–0 hasabynda ýeňdi. Upamekanonyň hasaby açan duşuşygynda Harri Keýn bassyr 2-nji, umumylykda «Bundesligadaky» 3-nji het-trigini etdi. 9-njy, 72-nji hem-de 90+3-nji minutlarda tapawutlanan Keýniň çempionatdaky gollarynyň sany 15-e ýetdi. Ol «Bundesligada» 10 oýunda 15 gol geçirip, 60 ýyldan soň «şalkeli» Klaus Matyşagyň rekordyny täzeledi
(10 oýunda 14 gol). «Borussiýa Dortmundyň» ilkinji gezek utulan tapgyrynda sanawyň lideri «Baýer» myhmançylykda «Hoffenhaýmy» kynlyk bilen 2–1 hasabynda ýeňlişe sezewar etdi. Lewerkuzenlileriň gollaryny Wirts bilen Grimaldo (2) geçirdi. Öz meýdançasynda «Aýntrahtdan» 3–0 hasabynda asgyn gelen «Union Berlindäki» pese gaçyşlyk dowam edýär. Paýtagtlylar çempionatda 8, umumylykda-da 13 oýundan bäri ýeňlip gelýär.