Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Bir guşak, bir ýol» üçünji ýokary derejeli maslahatyna gatnaşmak üçin 17 — 19-njy oktýabrda Hytaý Halk Respublikasyna amala aşyran iş sapary biziň ýurdumyzyň ikitaraplaýyn we köptaraplaýyn hyzmatdaşlyk meselelerinde jogapkärli, işjeň orny eýeleýändiginiň nobatdaky beýanyna öwrüldi.
Saparyň birinji gününde Gahryman Arkadagymyz Gurbanguly Berdimuhamedow we sapar wagty ýanynda bolýan maşgalasy Ogulgerek Berdimuhamedowa «Bir guşak, bir ýol» üçünji ýokary derejeli maslahatyna gatnaşýan belent mertebeli myhmanlaryň we olaryň maşgala agzalarynyň hormatyna Hytaý Halk Respublikasynyň Başlygy Si Szinpiniň adyndan berlen resmi agşamlyk naharyna gatnaşdylar.
